Xvii Курым
XVI курым ↔ XVIII курым
XVII курымышто мо лийын
- XVII курымысо йозакым тӱлышӧ марий илашлан кӱлеш арверым кресаньык еш шке кидше дене ыштен. Шке кид дене ыштыме озанлыкыштыже тӱрлӧ арвер ден паша ӱзгарым, илыме пӧртым, шогам, суртысо ӱзгарым, вургемым, йолчием гыч тӱҥалын кочкын-йӱмӧ сий марте, кресаньык озанлык шканже шке ямдылен. Южгунам гына нуно шинчалым, товарым, кӱртньӧ шогам, савам пазарыште налыныт.
- XVII курымышто мер кидыште шотлалтше мланде палынак шагалемын. Пеш шуко мланде руш монастырь, помещик, тӧра-влакын кидышкышт вончен. 20–80-шо ийлаште - Марий кундемыште шуко руш монастырь-влакым чоҥымо, тунам шуко мер мланде монастырь кидыш вончен.
- XVII курымын икымше пелыштыже марий мерлаште сотниклан ончычсо тархан-влак шогеныт, а кокымшо пелыштыже мер калык шке коклаж гычак ойыраш тӱҥалын.
- XVII курым тӱҥалтыште марий кресаньык мер илыш шотым вияҥдымаште тӱҥ верым налын шоген. Тӱшка вий дене нуно илыш тӧрсырым кораҥден шогеныт, ончыко ӱшанлын ончаш тыршеныт.
Литератур
- Иванов, А. Г.–Сануков, К. Н. 1998: Марий калыкын историйже.
Негыз
This article uses material from the Wikipedia Олык Марий (Olyk Marij) article XVII курым, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.