अनिता देसाई

अनिता देसाईक जन्म २४ जुन १९३७ कें मसुरीमे भेल छल। ओहि समयमे हिनकर नाम अनिता मजुमदार छल। अनिताक माता जर्मनीक राजधानी बर्लिन शहरक रहनिहार छल आ पिता ढाका,बङ्ग्लादेशक वासी छल। ओ दिल्लीमे क्वीन म्यारी हायर सेकेन्डरी स्कुलमे अध्यन केलक आ बादमे सन् १९५७ मे दिल्ली विश्वविद्यालयक मिरान्डा कलेज सँ अङ्ग्रेजी साहित्यमे स्नातक केनए छल ।

अनिताक पहिल उपन्यास क्राई द पिकक सन् १९६३ मे प्रकाशित भेल छल । ओ विशेष करि पारिवारिक सम्बन्ध आ मध्यम वर्गीय स्त्रीक बारेमे लिखैत अछि। सन् १९७७ मे हुनकर उपन्यास फायर अन द माउन्टेनक लेल विनिफ्रेड होल्टबी मेमोरियल पुरस्कार सँ सम्मानित कएल गेल छल। तत्पश्चात ओ बहुत रास कथा पिहानीसभ लिखने छल आ हुनका बहुत रास पुरस्कारसभक लेल नामाङ्कन कएल गेल छल।

फायर अन द माउन्टेन नामक उपन्यासक लेखन करि ओ विश्वमे अपन एक अलग पहिचान बनाबैमे सफल भेल छल । अनिताक तीन बेर बुकर पुरस्कारक अन्तिम सूचीमे चयनित कएल गेल छल। अपन साहित्यक योगदानक दमपर हुनका पुरा दुनियामे लोकप्रियता भेटल अछि आ दुनिया भरिमे हुनका बहुत रास पुरस्कार सँ सेहो सम्मानित कएल गेल अछि । भारत सरकार सेहो हुनकर लेखनकें सराहना करैत पद्मश्री अलङ्कार सँ सम्मानित केनए अछि । सन् १९९३ मे इस्माइल मर्चेन्ट हुनकर उपन्यास इन कस्टडी पर एक चलचित्र सेहो निर्माण केनए अछि ।एखन अनिता देसाई साहित्यक राजकीय समाजक एक सदस्य छी। वर्तमान समयमे अनिता अमेरिकामे बसोबास करैत अछि आ मासाचुसेट्स इन्स्टिच्युट टेक्नोलोजीमे अध्यापन करबैत अछि।

सन् १९६३ मे प्रकाशित भेल हिनकर कृति 'क्राई, द पिकक', सन् १९६५ मे प्रकाशित भेल हिनकर कृति 'भोइसेज इन द सिटी' काफी लोकप्रिय भेल छल आ ई दुनू हिनकर प्रारम्भिक कृति छल।