ເຂົ້າໜຽວໝາກມ່ວງ ເປັນຂອງຫວານທ້ອງຖິ່ນໃນປະເທດແຖບອາຊີຕາເວັນອອກສຽງໃຕ້ທີ່ນິຍົມກິນໃນຊ່ວງລະດູຮ້ອນ ເພາະເປັນລະດູເກັບກ່ຽວໝາກມ່ວງ ເຮັດຈາກເຂົ້າໜຽວ, ໝາກມ່ວງ ແລະນົມໝາກພ້າວ ມັນມີອາຍຸການເກັບຮັກສາສັ້ນ ແລະມີປະລິມານແຄລໍລີ່, ນ້ຳຕານ ແລະ ໄຂມັນສູງ
ເຂົ້າໜຽວໝາກມ່ວງ | |
ກຳເໜີດ | |
---|---|
ພູມິພາກ | ອາຊີຕາເວັນອອກສຽງໃຕ້ |
ລາຍລະອຽດ | |
ປະເພດ | ຂອງຫວານ |
ເຄື່ອງປຸງຫຼັກ | ເຂົ້າໜຽວ, ໝາກມ່ວງ, ນົມໝາກພ້າວ |
ເຂົ້າໜຽວໝາກມ່ວງໂດຍທົ່ວໄປແລ້ວປະກອບດ້ວຍ ເຂົ້າໜຽວມູນທີ່ນຳມາປຸງລົດຫວານໂດຍໃຊ້ນ້ຳຕານໝາກພ້າວ ມູນກັບນົມໝາກພ້າວແລະເກືອ ຮູບແບບທີ່ນິຍົມແມ່ນໃຊ້ໝາກມ່ວງສຸກເຊິ່ງມີລົດຊາດຫວານກວ່າໝາກມ່ວງດິບ ໂດຍສະເພາະແມ່ນໝາກມ່ວງນ້ຳດອກໄມ້ ແຕ່ອາດຈະພົບເຫັນໝາກມ່ວງອົກລ່ອງໂດຍຄືກັນ
ເຂົ້າໜຽວໝາກມ່ວງເປັນຂອງຫວານທີ່ສາມາດຊອກຫາກິນທົ່ວໄປໃນປະເທດລາວເຊິ່ງຕັ້ງຢູ່ໃນພາກພື້ນແມ່ນ້ຳຂອງເຊິ່ງແມ່ນພາກພື້ນທີ່ເຂົ້າໜຽວມີອິດທິພົນດ້ານອາຫານ ແລະ ນິທານ ໂດຍເຂົ້າໜຽວແມ່ນອາຫານປະຈຳຊາດລາວທີ່ສາມາດເຂົ້າເຖິງວັດທະນະທຳ ແລະ ສາສະໜາທ້ອງຖິ່ນ ເມື່ອເຖິງລະດູເກັບກ່ຽວໝາກມ່ວງ ເຂົ້າໜຽວໝາກມ່ວງແມ່ນຈະຈັດໃສ່ໂດຍເຂົ້າໜຽວມູນພ້ອມກັບນົມໝາກພ້າວລົດຊາດຫວານ ແລະ ໝາກງາຂາວແຫ້ງ ຮ່ວມກັບໝາກມ່ວງເຊິ່ງອາດຈະຖືກຊອຍໃຫ້ບາງ ຫຼື ບໍ່ຕັດມາ
This article uses material from the Wikipedia ລາວ article ເຂົ້າໜຽວໝາກມ່ວງ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.