ພັກປະຊາຊົນປະຕິວັດລາວ
ພັກປະຊາຊົນປະຕິວັດລາວ (ຝຣັ່ງ: Parti révolutionnaire populaire lao; ອັງກິດ: Lao People's Revolutionary Party, ອັກສອນຢໍ້: LPRP) ແມ່ນພັກຄອມມູນິດທີ່ກຳອຳນາດໃນສປປ ລາວ, ມີຕົ້ນກຳເນິດມາຈາກພັກກອມມູນິດອີນດູຈີນ ເຊິ່ງເລີ່ມກໍ່ຕັ້ງເມື່ອປີ 1930, ຈົນສະຫຼາຍຕົວໄປໃນປີ 1951 ທາງພັກອິນດູຈີນໄດ້ຕົກລົງໃຫ້ທັງ3 ປະເທດ ຫວຽດນາມ, ກຳປູເຈຍ, ລາວ, ສາມາດສ້າງພັກຂອງຕົນເອງຂື້ນໄດ້ ເພື່ອໃຫ້ແທດເໝາະກັບການນຳພາຂອງແຕ່ລະປະເທດ.
ດັ່ງນັ້ນ ພັກປະຊາຊົນປະຕິວັດລາວຈຶ່ງສ້າງຕັ້ງຂື້ນເມື່ອວັນທີ່ 22 ມີນາ 1955 ໂດຍເປັນອົງການແກນນຳຂອງ ແນວລາວຮັກຊາດ ຫຼືຂະບວນການປະເທດລາວ(ປັດຈຸບັນແມ່ນ ແນວລາວສ້າງຊາດ) ເດີມມີຊື່ວ່າ ພັກປະຊາຊົນລາວ, ສາມາດຍຶດອຳນາດໃນທົ່ວປະເທດ ແລະປະກາດສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975, ເລຂາທິການໃຫຍ່ຄະນະບໍລິຫານງານສູນກາງພັກຄົນທຳອິດແມ່ນ ສະຫາຍ ໄກສອນ ພົມວິຫານ ທີ່ດຳລົງຕຳແໜ່ງຕັ້ງແຕ່ປີ 1955 ຈົນເສຍຊີວິດເມື່ອປີ 1992. ເລຂາທິການໃຫຍ່ພັກຄົນຕໍ່ມາແມ່ນ ສະຫາຍ ຄຳໄຕ ສີພັນດອນ ຈົນຣອດປີ 2006,ຕໍ່ມາ 2006 - 2016 ແມ່ນ ທ່ານ ຈູມມະລີ ໄຊຍະສອນ ແລະ ຕໍ່ມາ 2016-2021 ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ແມ່ນສະຫາຍ ທ່ານ ບຸນຍັງ ວໍລະຈິດ ປະທານປະເທດຄົນທີ່ 6 ແລະປັດຈຸບັນນັບແຕ່ວັນທີ່15 ມັງກອນ 2021 ກອງປະຊຸມໃຫຍ່ສມັຍທີ່ XI ໄດ້ຮັບຮອງເອົາທ່ານທອງລຸນ ສີສຸລິດນາຍກລັດຖະມົນຕີຄົນທີ່ 17 ເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວຄົນປັດຈຸບັນ
| ພັກປະຊາຊົນປະຕິວັດລາວ | |
|---|---|
 | |
| ເລຂາທິການໃຫຍ່ພັກ | ທ່ານ ທອງລຸນ ສີສຸລິດ |
| ສ້າງຕັ້ງ | 22 ມີນາ 1955 |
| ສຳນັກງານໃຫຍ່ | ນະຄອນຫຼວງວຽງຈັນ |
| ໜັງສືພິມ | ໜັງສືພິມປະຊາຊົນ |
| ສະມາຄົມຊາວໜຸ່ມ | ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ |
| ຈຳນວນສະມາຊິກ (1991) | 60,000 |
| ແນວຄິດ | ທິດສະດີການເມືອງມາກ-ເລນິນ |
| ກຸ່ມລະດັບຊາດ | ລາວ |
| ສີພັກ | ສີແດງ |
This article uses material from the Wikipedia ລາວ article ພັກປະຊາຊົນປະຕິວັດລາວ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.