ແຂວງໄຊສົມບູນ (ຄຳເຄົ້າ: ໄຊຍ໌ສົມບູຣນ໌) ເປັນ ໜຶ່ງໃນ 17 ແຂວງຂອງ ລາວ, ສ້າງຕັ້ງຂຶ້ນ ໃນວັນທີ 31 ທັນວາ 2013 ຢູ່ພາກກາງຂອງປະເທດ.
ມີພື້ນທີ່ຕິດຕໍ່ຈັດລຽງຕາມທິດທາງຕາມເຂັມໂມງ. ໂດຍເລີ່ມຈາກທິດເໜືອດັ່ງນີ້: ຊຽງຂວາງ , ບໍລິຄຳໄຊ , ວຽງຈັນ ແລະ ຫຼວງພະບາງ ມີເນື້ອທີ່ປະມານ 8,500 ຕາລາງກິໂລແມັດ ພື້ນທີ່ສ່ວນໃຫຍ່ເປັນພູດອຍ. ສົ່ງຜົນໃຫ້ສະພາບອາກາດທີ່ຂ້ອນຂ້າງເຢັນຕະຫຼອດປີ ເດີນທາງຈາກ ນະຄອນຫຼວງວຽງຈັນ ໄປຕາມເສັ້ນທາງເລກທີ 13 ໃຕ້ ຜ່ານແຂວງບໍລິຄຳໄຊ. ເມືອງທີ່ມີປະຊາກອນ 102,041 ແສນຄົນ (2018), ແບ່ງຕາມ ຊົນເຜົ່າ ດັ່ງນີ້: 55,71 ເປີເຊັນ ຂອງ ຊາວ ມົ້ງ , ຄົນ ລາວ 25,97 ເປີເຊັນ ແລະ ເຜົ່າຂະມຸ 18,32 ເປີເຊັນ ສາມາດແບ່ງອອກເປັນ 7,800 ຄອບຄົວ, ໃນນັ້ນ 3,600 ຄອບຄົວ ຍັງຢູ່ໃນຄວາມທຸກຍາກ
ແຂວງໄຊສົມບູນ ຕັ້ງຢູ່ພາກກາງຂອງປະເທດລາວເປັນແຂວງດຽວທີ່ບໍ່ມີຊາຍແດນຕິດກັບຕ່າງປະເທດ ແລະເປັນທີ່ຕັ້ງຂອງພູເບ້ຍ ແລະມີຊາຍແດນຕິດຈອດກັບແຂວງຕ່າງໆຄືດັ່ງນີ້:
ເຂດພິເສດໄຊສົມບູນ ເຄີຍເປັນເຂດປົກຄອງພິເສດ ທີ່ຢູ່ພາຍໃຕ້ຄວາມຮັບຜິດຊອບຂອງກອງ ທັບປະຊາຊົນລາວ ໃນຊ່ວງປີ 1975-2006 ເນື່ອງຈາກເປັນເຂດທີ່ມີບັນດາຊາວມົ້ງອາໄສຢູ່ ຢ່າງໜາແໜ້ນເຂດນຶ່ງໃນລາວ ໂດຍລັດຖະບານລາວໄດ້ປະກາດຍົກເລີກເຂດພິເສດໄຊສົມບູນດັ່ງກ່າວໃນປີ 2006 ແລ້ວກໍໄດ້ໂອນຍ້າຍເມືອງໄຊສົມບູນແລະເມືອງຮົ່ມໄປຢູ່ພາຍໃຕ້ ອໍານາດການປົກຄອງແຂວງວຽງຈັນ.
ພິທີການປະກາດການສ້າງຕັ້ງແຂວງໄຊສົມບູນ ເປັນແຂວງທີ່ 17 ຂອງ ສປປ.ລາວ ໄດ້ມີຂຶ້ນຢ່າງເປັນທາງການໃນວັນທີ 31 ທັນວາ ປີ 2013 ທີ່ຜ່ານມາ ໂດຍມີທ່ານທອງສິງ ທໍາມະວົງ ນາຍົກລັດຖະມົນຕີ ພ້ອມດ້ວຍການນໍາພັກ-ລັດ ອໍານາດການປົກຄອງທ້ອງຖິ່ນ ພະນັກງານລັດຖະກອນ ແລະປະຊາຊົນລາວ ເຂົ້າຮ່ວມໃນພິທີດັ່ງກ່າວ.
ແຂວງໄຊສົມບູນ ເປັນແຂວງໜຶ່ງໃນ 18 ແຂວງຂອງສາທາລະນະລັດປະຊາທິປະໄຕປະຊາຊົນລາວ ຊຶ່ງມີທີ່ຕັ້ງຢູ່ໃນເຂດພາກກາງຂອງປະເທດ ຂອບເຂດຊາຍແດນ:
ແຂວງໄຊສົມບູນ ມີຂອບເຂດຊາຍແດນຕິດກັບບັນດາແຂວງອ້ອມຂ້າງໃກ້ຄຽງດັ່ງນີ້:
-ທິດເໜືອມີຊາຍແດນ ຕິດກັບເມືອງພູຄູນ ແຂວງຫຼວງພຣະບາງ, ເມືອງພູກູດ,ເມືອງຜາໄຊ ແລະ ເມືອງຄູນ ແຂວງຊຽງຂວາງ.
-ທິດໃຕ້ມີຊາຍແດນ ຕິດກັບ ເມືອງທຸລະຄົມ ແຂວງວຽງຈັນ ແລະ ເມືອງທ່າພະບາດ ແຂວງບໍລິຄໍາໄຊ
-ທິດຕາເວັນຕົກມີຊາຍແດນ ຕິດກັບ ເມືອງກາສີ, ເມືອງວັງວຽງ, ແລະ ເມືອງແກ້ວອຸດົມ ແຂວງວຽງຈັນ
-ທິດຕາເວັນອອກມີຊາຍແດນ ຕິດກັບ ເມືອງໝອກໃໝ່ ແຂວງ ຊຽງຂວາງ ແລະ ເມືອງບໍລິຄັນ ແຂວງບໍລິຄໍາໄຊ
ແຂວງໄຊສົມບູນມີເນື້ອທີ່ໃນເຂດການປົກຄອງທັງໝົດ 8.500 ຕາລາງກິໂລແມັດ ໂດຍໄດ້ມີການຈັດສັນພື້ນທີ່ອອກເປັນ 8 ປະເພດ ດັ່ງນີ້: ດິນກະສິກຳ 138. 340 ເຮັກຕາດິນປຸກສ້າງ 5. 371 ເຮັກຕາດິນອຸດສາຫະກຳ 17. 631 ເຮັກຕາດິນປ່າໄມ້ 599. 570 ເຮັກຕາດິນຄົມມະນາຄົມ 3. 375ເຮັກຕາດິນວັດທະນະທຳ1. 523ເຮັກຕາ ດິນບໍລິເວນນ້ຳ 45.169 ເຮັກຕາ ດິນ ປກສ ແລະ ປກຊ 2.018ເຮັກຕາ
ແຂວງໄຊສົມບູນພາຍຫຼັງໄດ້ຖືກຂະໜານນາມໃຫ້ເປັນແຂວງໜຶ່ງໃນ 18 ແຂວງຂອງສາທາລະນະລັດປະຊາທິປະໄຕປະຊາຊົນລາວ ຕາມມະຕິຕົກລົງຂອງສະພາແຫ່ງຊາດສະບັບເລກທີ 12/ສພຊ, ລົງວັນທີ 13 ທັນວາ 2013 ແລະ ໄດ້ປະກາດເປັນທາງການໃນວັນທີ 31 ທັນວາ 2013 ແລ້ວແຂວງໄຊສົມບູນກໍໄດ້ມີລະບົບການຈັດການປົກຄອງເປັນຂອງຕົນເອງຄືກັນກັບແຂວງໆອື່ນໆໃນ ສປປ ລາວ ທີ່ດໍາເນີນການປົກຄອງດ້ວຍ “ລະບອບປະຊາທິປະໄຕປະຊາຊົນ” ໂດຍມີທ່ານເຈົ້າແຂວງເປັນປະມຸກລັດຂອງແຂວງພາຍໃຕ້ການຊີ້ນຳຂອງຄະນະບໍລິຫານງານພັກແຂວງ.
ແຂວງໄຊສົມບູນ ປະກອບມີເຂດການປົກຄອງ 5 ເມືອງດ້ວຍກັນກໍຄື : ເມືອງຮົ່ມ ເມືອງທ່າໂທມ ເມືອງອະນຸວົງ ເມືອງລ້ອງຊານ ແລະ ເມືອງລ່ອງແຈ້ງ ຊຶ່ງໃນນີ້ກໍມີຢູ່ 3 ເມືອງ ທີ່ສ້າງຕັ້ງຂຶ້ນໃໝ່ ກໍຄື ເມືອງລ້ອງຊານ ທີ່ແຍກອອກຈາກ ເມືອງຮົ່ມ ກັບ ເມືອງລ່ອງແຈງ ແລະ ເມືອງອະນຸວົງ ທີ່ສ້າງຕັ້ງຂຶ້ນມາ ແທນ ເມືອງໄຊສົມບູນນັ້ນເອງ.
This article uses material from the Wikipedia ລາວ article ແຂວງໄຊສົມບູນ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.