ດໍລີ (ອັງກິດ: Dolly) (5 ກໍລະກົດ 2539 – 14 ກຸມພາ 2546) ເປັນແກະລ້ຽງເພດເມຍ ແລະເປັນສັດລ້ຽງລູກດ້ວຍນ້ຳນົມໂຕທຳອິດທີ່ຖືກກະໂລນຈາກເຊລູນຮ່າງກາຍ (somatic cell) ຂອງສັດໂຕເຕັມໄວ ໂດຍໃຊ້ວິທີຖ່າຍຝາກນູກະເລອຸດ (nuclear transfer) ດໍລີຖືກກະໂລນໂດຍ ອີຢັນ ວິນມຸດ (Ian Wilmut) ຄີດ ແຄມເບິນ (Keith Campbell) ແລະຜູ້ຮ່ວມງານໃນສະຖາບັນລໍສະລິນ (Roslin Institute) ສ່ວນໜຶ່ງຂອງມະຫາວິທະຍາໄລເອດິນບະລະ ປະເທດເອກົດ ແລະບໍລິສັດເຕັກໂນໂລຊີຊີວະພາບ PPL Therapeutics ຊຶ່ງຕັ້ງຢູ່ໃກ້ກັບເອດິນບະລະ ເງິນທຶນໃນການກະໂລນດໍລີມາຈາກບໍລິສັດ PPL Therapeutics ແລະກະຊວງການກະເສດຂອງສະຫະລາຊະອານາຈັກ ມັນເກີດເມື່ອວັນທີ 5 ກໍລະກົດ ພ.ສ.
2547 ແລະຕາຍດ້ວຍພະຍາດທາງປອດເມື່ອອາຍຸໄດ້ 6 ປີ 7 ເດືອນ ຫຼາຍສື່ ເຊັ່ນ BBC News ແລະ Scientific American ຍ້ອງຍໍໃຫ້ມັນເປັນ "ແກະໂດ່ງດັງທີ່ສຸດໃນໂລກ".
ເຊລູນທີ່ໃຊ້ເປັນຜູ້ບໍລິຈາກເພື່ອກະໂລນດໍລີ ຖືກນຳມາຈາກ ຕ່ອມນ້ຳນົມ ແລະການທີ່ສາມາດສ້າງກະໂລນທີ່ແຂງແຮງໄດ້ແມ່ນໂຕພິສູດວ່າ ເຊລູນຈາກສ່ວນໜຶ່ງຂອງຮ່າງກາຍສາມາດນຳມາສ້າງສິ່ງມີຊີວິດໄດ້ທັງໂຕ ວິນມຸດກ່າວກ່ຽວກັບຊື່ຂອງດໍລີວ່າ "ດໍລີມາຈາກເຊລູນຕ່ອມນ້ຳນົມ ແລະພວກເຮົາບໍ່ສາມາດຄຶດເຖິງຕ່ອມນ້ຳນົມທີ່ເປັນຕາປະທັບໃຈຫຼາຍກວ່າຂອງດໍລີ ພາຕັນ ໄດ້".
This article uses material from the Wikipedia ລາວ article ດໍລີ (ແກະ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.