Zinch

El zinch l'è 'n elemènt chìmich enserìt endèla tàola periòdica dei elemèncc col sìmbol Zn. El g'ha nömer atòmich 30, che völ dì che 'l nùcleo de 'n àtom de ram el g'ha trènta prutù.

El zinch l'è 'n metàl de culùr gris che tìra al celèst. A temperadüra e presiù stàndard l'è al stat sòlit. L'è mediamènt reatìf, el se cumbìna co l'osìgeno e quach óter "mìa-metàl". El g0ha caraterìstiche che se 'nspomèa a chèle del Calcio ma 'n confrónt a chèst l'è méno reatìf.

Mes•ciàt al ram el fùrma 'na léga ciamàda utù che l'è 'na léga metàlica cunusìda zabèla ai tép dei Romàni.

El zinch ene natüra el se prezènta sota fùrma de sich izòtopi: ⁶⁴Zn (chèl che bónda de piö, 48,6%), ⁶⁶Zn, ⁶⁷Zn, ⁶⁸Zn e ⁷⁰Zn.

I izòtop⁶⁶Zn, ⁶⁷Zn e ⁶⁸Zn i è stàbii, envéce ⁶⁴Zn e ⁷⁰Zn i g'ha 'na emivìta de 2,3 × 10¹⁸ e 1,3 × 10¹⁶ agn, divérsi ùrdegn de mizüra de piö de la vìta de l'ünivèrs, tat che l'è pusìbol pensài come stàbii e mìa tègner en cönt la póca radioatività.