Rómbo

Ol rómbo l'è öna figüra geomètrica piàna, l'è ü polìgon e l'è ü particolàr quadrilàter che 'l gh'à töcc e quàter i làti lónch istès e 'n piö i lati opòscc i è paraléli tra de lur e per chèsto l'è ach ü paralelogràm. Ol quadràt l'è ü rómbo particolàr che 'n piö l' gh'à ach i quàter àngoi grancc istès e cioè de 90 gràdi.

La sóma di quàter àngoi dét in d'ü rómbo l'è de 360 gradi.

I dò diagonài d'ü rómbo i è mia lónghe stèse tra de lùre, però i se 'ncrùsia 'n del mès del rómbo e i è metìde a perpendìcol tra de lùre.

Per troà 'l perìmeter d'ü rómbo m'è moltiplicà 'l làto a per 4

${\displaystyle p=4\cdot a}$ 

Per troà l'àrea d'ü rómbo m'è moltiplicà i dò diagonài d1 e d2 tra de lùre e dividì töt per 2

${\displaystyle A={\frac {{d1}\cdot {d2}}{2}}}$ 

sedenò s'pöl moltiplicà 'l lato a per la sò altèsa h

${\displaystyle A=a\cdot h}$ 

L'àrea del rómbo s'pöl troàla pò a moltiplicà ol quadràt d'ü làto per ol séno de ü di àngoi del rómbo, öpör s'pöl troàla pò a moltiplicà 'l sémi perimetèr del rómbo per ol ràgio dèl sércc dizegnàt dèt in del rómbo.