Alexander Van Der Bellen
L'Alexander Van der Bellen (Vienna, 18 de genar del 1944) l'è on politegh e economista austriegh, candidaa in del 2016 per l'incaregh de primm minister de l'Austria.
L'era professor d'economia a l'Universidaa de Vienna, e coma esponent del Partii Verd Austriegh l'è staa parlamentar del 1994 al 2012, candidaa ai elezzion del 2016 in Austria 'mè indipendent sostegnuu di Verd. L'è verd, social-liberal e a favor de l'Union Uropeja.
Biografia
L'è nassuu a Vienna di gent nobij profugh de l'Estonia, invaduda da l'URSS, e scappaa de l'URSS in del 1940. Lu l'è nassuu in d'on camp de profugh, e donca 'l se definiss Fioeu de profugh. Poeu da piscinin l'è scappaa anca de Vienna, invaduda de l'Armada Rossa per andà in Tirol.
Carrera
In del 1962 el s'è diplomaa a Innsbruck, e l'ha ciappaa el dottoraa a l'Universidaa de Innsbruck in economia. L'ha lavoraa 'mè assistent de l'universidaa per poeu andà anca a Berlin.
In del 1976 l'è diventaa professor associaa a l'Universidaa de Innsbruck e in del 1980 professor ordinari a quella de Vienna.
In del 1994 l'è entraa cont el Partii Verd in de la Camera Austriega, in del 1997 l'è vegnuu portavos federal e in del 1999 president del Partii a la Camera. In del 2012 l'ha daa i sò dimission per andà al Consej Comunal de Vienna.
L'è fiss d'accord cont l'ideja sotta a l'Unidaa Uropeja e in d'on liber del 2015 l'ha ciamaa el Federalismo Uropee.
Presidenza
El 4 de dicember del 2016 el Van der Bellen l'avaraa de scontràss ancamò contra 'l Norbert Hofer in de la repetizion del balotagg di elezzion presidenziaj Austriegh. El Van der Bellen l'eva vengiuu de pocch el balotagg el 6 de mai ma la vodazion l'è stada reputada minga valeda per via di "iregolaridaa" (la parolla "Wahlbetrug", ciovè "broeuj eleturaj", però i media pussee gross l'hann minga drovada)
Vita privada
El Van der Bellen el s'è sposaa dò voeult e a l'è on fumador.
This article uses material from the Wikipedia Lumbaart article Alexander Van der Bellen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.