Zandvoort
Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Zandvoort is e versteidelek dörp en 'n gemeinte in de Nederlandse provincie Noord-Holland, in de Bollestreik, mèt (1 augustus 2006) 16.628 inwoeners en 'n oppervlak vaan 33,82 km2. Binne de gemeinte ligk ouch 't dörp Bentveld.
Zandvoort is 'n belangrieke massatoeristische badplaots, veural veur de inwoeners vaan Amsterdam en Haarlem. Wijer is 't bekind es vestegingsplaots vaan 'n otoracecircuit. Hei woorte tösse 1948 en 1985, en sinds 2021 weer, Formule 1-races gehawwe. Zandvoort is 't indpunt vaan 'ne spoorlijn vaanoet Amsterdam via Haarlem.
Vaanajds weurt in 't dörp e bezunder Hollands dialek gesproke, 't Zandvoorts. Door de oontsleting vaan 't dörp en de groeten immigratiedrök is 't dialek sterk oonder drök koume te stoon.
Historie
De naom Zandvoort, roond 't jaor 1100 Sandevoerde, liet ziech sumpel verklaore es zand "zavel" en voord "doortrèkbaar plaots in 'ne waterloup". Iewelaank (tot 1722) waor 't vèssersdörp bezit vaan de Hiere vaan Bredero. Al vreug in de negentiende iew kaom Zandvoort es badplaots in gebruuk, in 't begin veur de elite. Wie in 1881 de plaots op 't spoorwegenèt aongeslote woort góng 't toerisme hel veuroet. Tijens d'n Twiede Wereldoorlog woort de plaots gooddeils oontruimp en es vesting ingeriech, meh nao d'n oorlog herstèlde 't toerisme ziech gaw. Allewijl wèrk oongeveer de hèllef vaan de plaotseleke bevolking in de toeristische sector.
Externe link
 | |
|---|---|
| Aalsmeer · Alkmaar · Amstelveen · Amsterdam · Bergen · Beverwijk · Blaricum · Bloemendaal · Castricum · Den Helder · Diemen · Dijk en Waard · Drechterland · Edam-Volendam · Enkhuizen · Gooise Meren · Haarlem · Haarlemmermeer · Heemskerk · Heemstede · Heiloo · Hilversum · Hollands Kroon · Hoorn · Huizen · Koggenland · Landsmeer · Laren · Medemblik · Oostzaan · Opmeer · Ouder-Amstel · Purmerend · Schagen · Stede Broec · Texel · Uitgeest · Uithoorn · Velsen · Waterland · Wijdemeren · Wormerland · Zaanstad · Zandvoort | |
This article uses material from the Wikipedia Limburgs article Zandvoort, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.