Levantiense Zieë
Dit artikel is gesjreve (of begós) in 't Venloos.
Laes hie wie v'r mit de versjillende saorte Limburgs ómgaon.
De Levantiense Zieë is de benaming veur 't oeëstelike deil van de Middellandse Zieë. De zieë weurt begrens door Törkieje in 't noorde, Syrië, Libanon en Israel in 't oeëste en Egypte in 't zuje. De naam verwies nao de Levant, de aangrenzende oeëstelike kösstraok in Syrië. De wiechtigste revier die oétmond in de Leventiense Zieë is de Niel. T'n oeëste van de mónding va de Niel verbind 't Suezkanaal de Roeëj Zieë.
Kreta, en mier percies 't eilendsje Gavdos, geliek ónder Kreta, vörmt de westelike begrenzing van de zieë. Geliek heej is de zieë ouk óp häör deeps: 4.384 maeter. 't Groeëtste eiland in de zieë is Cyprus. 't Stökske t'n noorde van Cyprus heit ouk waal de Cilicische Zieë. Heej zien dreej bekinde golfe: de Golf van Antalya, Mersin en İskenderun.
In 't verleie droog de zieë de naam Mare Aegyptum (Egyptische Zieë) en 't stök beej Syrië en Libanon heite Mare Phoenicium (Fenicische Zieë).
This article uses material from the Wikipedia Limburgs article Levantiense Zieë, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.