In Volksmarsen (Hesse) veurt 'ne man in op 'ne vastelaovendsoptoch.
Dit is 'n archief, wo-in aw nuujsberichte waere opgesjlage. Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs. |
52 luuj rake lichter of zjwaorder gewóndj.
In Hanau (Hesse) sjut 'ne man neuge luuj in 'ne shishabar doed, wonao hae zien moojer en zichzelf doedsjut. Me geit oet van e terroristisch, extreemrechs motief.
Thomas Kemmenich (FDP) weurt mit sjteun van de CDU en de rechspopulistische AfD premier van Thuringe. Óm de sjteun van die lèste partie óntsjteit direk ónras.
In de zoo van Krieëvel (Krefeld) brentj 'n apeverblief oet, dènkelik nao contak mit 'ne wunsjballon. Bekans alle ape kómme óm, allein twie chimpansees weiten 't te euverleve.
'ne Rechsextremis plaeg in Halle (Saale) 'nen aansjlaag op 'n synagoog wo zjus 'n vering veur Jom Kippoer plaatsjvèntj. Twie luuj kómme óm.
In Oesteriek zeen parlemèntsverkezinge. De rechspopulistische FPÖ verluus henjig, de ÖVP blief de groetste.
De regering van Oesteriek vilt nao e sjendal róndj vicepremier Heinz-Christian Strache (FPÖ), dae zich veur de verborge camera ómkoupbaar had getuindj.
Inne Pruse sjtad Breme weurt bondsdaaglid en AfD-veurzitter Frank Magnitz mishanjeld. Hae ligk mit zjwaor verwónjinge in 't krenkehoes.
Oesteriek veurt 't homohoewelik in.
In Bottrop geit de Prosper-Haniel, de lètste koel van 't landj, toe.
Annegret Kramp-Karrenbauer volg Angela Merkel op es partieleister van de CDU.
Angela Merkel kunjig aan aaf te trejje es veurzitster van 't CDU en zich in 2021 neet mie verkeesbaar te sjtèlle.
De pelitie óntruump 't activistekamp in 't Hambacher Forst bie Hambach. Me wilt deze bósj kappe óm nao broenkaole te graove.
Beate Zschäpe vanne neonazistische terreurbewaeging Nationalsozialistischer Untergrund (NSU) haet laeveslang gekrege veur 't medeplaege van teen maorde op Pruse van Törkse aafkóms.
Ten zuje van Mönchengladbach wuurt de A44 euver 'n lèngde van óngevier tieën kilomaeter heräöpend. Dit sjtök woort in 2005 aafgebraoke in verband mèt d'n daagboewwinning van broenkaol.
De pelissie in Kölle pak 'ne 29-jaorige Tunesiër op. Bie höm zouw d'n oeters giftige sjtóf ricine zien aangetroffe. 't Gief aevel nog gein aanwiezinge, det hae 'nen terroristischen aanval wilde oetveure.
In Vaerse wuurt 'n maedje van 15 doeëdgesjtaoke.
'nen Tornado rich groeëte sjaaj aan in Vaerse en ömgaeving. Veural 't dörp Bósheim wuurt hel getróffe.
De "Kulturausschuss" geit neet akkoord mèt 't verzeuk van de Krööchtener heimatvereiniging öm twieëtalige ingangssjilder (Pruus en Limburgs) in eur gemeinte in te veure.
Justitie in Krieëvel klaag de 61-jaorige heilpraktiker Klaus Ross aan. Hae zouw verantwaordelik zien veur d'n doeëd van dreej patiënte in zien neteurgenaespraktiek in Brüggen.
In Münster riet e besjtelböske in op e drök terras. Twie luuj kómme óm 't laeve, zeker twintig luuj rake gewóndj, woerónger twie Nederlanders. D'n daeder haet zich naodeen van 't laeve berouf. Me geit neet oet van e terroristisch motief.
In Veeëse weure twieë manne opgepak veur de maord van 'ne 54-jaorige man oet Krööchte. Ierder woorte ouch 'n 52-jaorige vrouw oet Nüss en eur zoon opgepak. Dees vrouw zouw de aansjtichster van de maord zien.
In e hotel in Krieëvel pak de pelissie 'ne 45-jäörige man oet Vaerse op, dae verdach weurt van seksueel misbroek mit minderjaorige.
Ex-regiopresidentj van Catalonië Carles Puigdemont is opgepak in Duutsjlandj. Zien arrestatie veroerzaak väöl ophöf inne Catalaanse sjtaej.
In Dölke weurt 'n vleegtuugbóm gevónje.
Door Der Spiegel weurt bekindgemaak det aad SS-lid Oskar Gröning op 96-jäörige laeftied is euverleje.
Bie e treinóngelök innen Oosterieksen deilsjtaot Sjtiermarke kump ein persoen óm 't laeve, 22 luuj rake gewóndj.
Bie 'n ernstig busóngelök in 't sjtedje Eberbach, in Baden-Württemberg, rake 48 luuj gewóndj. Vief of zès zien d'r sjlech aan toe.
'ne Bezaope vrachwagechauffeur veroerzaak op d'n A61 bie Vaerse 'n ernstig óngelök, woebie 'n agente ómkwaam. 'nen Angere raakde zjwaorgewóndj.
Sebastian Kurz weurt geïnstalleerd as bondjskanseleer van Oesteriek.
In Oesteriek zölle de conservatief ÖVP en de rechse FPÖ 'n nuuj coalitie vörme onger de leiing van Sebastian Kurz.
In aanloup nao de VN-klimaottop inne Duutsje sjtad Bonn protestere doezende luuj bie de daagboewmien in Hambach.
In Duutsjland weurt 't homohoewelik ingeveurd.
In Duutsjlandj vinje de bóndjsdaagverkezinge plaatsj. De CDU van Angela Merkel blief mit 33,0% vanne sjtumme de groetste en de SPD blief mit 20,5% de twiede. Bei partieje verleze aevel volges de letste oetsjlaeg respectievelik roem 8 en roem 5 procent ten opzichte van 2013. Winnaersj zien de liberaal FDP en 't AfD, die 10,7% en 12,6% van de sjtumme höbbe behaold. Zie wónne respectievelik óngevaer 5 en roem 7 procent ten opzichte van 2013. Daomit höbbe ze de keesdurpel gehaold en daodoor zien ze noe ouch vertaegewoordig innen Duutsjen Bóndjsdaag.
'ne 26-jaorige oetgeprocedeerden asielzeuker oet de Vereinigde Arabische Emirate sjtook in op luuj in 'n supermert in de Duutsje sjtad Hamburg. Daoveur sjtool hae e mets oet dezèlfde winkel. Kórt d'rnao woort hae euvermeisterd en gearresteerd. D'n dader is vermeudelik psychisch labiel en is ouch bekind es islamis.
In de Duutsje sjtad Hamburg geit de nuuj G20-top van sjtart, ónger leijing van bondskanseleer Angela Merkel. In de sjtad waert heftig gedemonstreerd, veural door extreem-linkse demonstrante. Väöl winkels en geboewer woorte geplunjerd en besjaedig. 476 pelissie-agente rake gewóndj en veerhónjerd luuj woorte gearresteerd. Ouch linkse media berichte euver gewónje ónger de demonstrantie, mer wieväöl is nog neet dudelik.
Op 'n autobaan in d'n Duutsje deilsjtaot Beiere zien 18 doeje en daartig gewónje gevalle bie e ernsjtig busóngeluk.
D'n Duutsjen Bóndjsdag sjtump veur legalisering van 't homohoewelik.
Helmut Kohl, bóndjskanseler van Duutsjlandj tösje 1982 en 1998, sjtörf op 87-jäörige laeftied.
De CDU wintj de Landtagswahlen van Noordrien-Wesfale mit 34% van de sjtumme.
Nao d'n Bondsraad geit ouch d'n Bondsdaag akkoord mit 't veursjtel óm vanaaf 2019 tol te hèffe op de Duutsje autobaan en de Bundesstraßen.
De katholieke "Bund der Historischen Deutschen Schützenbruderschaften" sjteit lidmaatsjap van moslims toe.
Op de centraal sjtatie van de Duutsje sjtad Düsseldörp valt 'ne man luuj aan mit 'n biel. Zeve luuj rake gewóndj. D'n daoder haet gein terroristische motieve, meh zouw 'nen asielzeuker mit psychologische perbleme zien.
Bundestagleje en vertaegewoordigers van Landtage verkeze SPD-politicus Frank-Walter Steinmeier es nujen bóndspresident van Duutsjlandj. Hae vólg CDU-politica Joachim Gauck óp, dae óp 18 miert 2012 beëidig woort.
In 't Zjwitsers Genève weure óngerhanjelinge tösse de Greeks- en de Turks-Cyprioten euver de hereiniging van Cyprus hervat.
In New York dene vertaegewoordigers van de Herero en de Nama 'n klach in taege Duutsjlandj, waomit zie sjaojvergeujing eise veur de Namibische genocide. Tösje 1904 en 1908 vóndj 'nen ópsjtand plaatsj in Duutsj Zuudwes-Afrika, allewiel Namibië, waorbie zaeker 80.000 Herero en Nama door Duutsje tróppe woorte gedoed.
In 't centrum van Berlien ried 'ne vrachwage in op 't publiek van 'n kaersjmert. Hiebie valle zaeker twelf doeje en 56 gewónje. Islamitische Sjtaot eis d'n aansjlaag op.
In Niederkrüchten, kórt euver de grens bie Remunj, vindj 'n gezinsdrama plaats in e woanhoes. Hiebie sjorve drie luuj. 'ne Man sjöt ziene vrouw en ziene zoon doed en vervólges plaeg hae zelfmaord.
'nen Depressieven tiener sjut wild óm zich haer in München. Hiebie valle neuge doeje.
In 'ne bioscoop in Viernheim vintj 'n giezeling plaatsj die ènjig mit 'nen inval door de pelitie en' t doedsjte van de giezelnummer.
De links-liberaal Alexander Van der Bellen weurt mit 50,3% van de sjtumme tot presidentj van Oesteriek gekoze en versjleit daomit d'n extreemrechse Manuel Hofer. 't Versjil is zoe klein, dat pas d'n daag dao-op de winner bekèndj raak.
Bie Bad Aibling in Beiere sjtoete twie treine opein. Hiebie valle teen doeje en väöl gewónje.
D'n Duutsje politicus Helmut Schmidt sjtörf op 96-jäörige laeftied.
In Lausanne weurt 'n euvereinkóms bereik tösje Iran en de internationaal gemeinsjap. Me sjtump in mit wiedgaond internationaal toezich op en ómboew van Iraanse nucleair installaties taegeneuver oplufting van de sancties en embargo's die taege 't landj zeen ingesjtèld.
D'n Duutsje politicus en ex-presidentj Richard von Weizsacker sjtörf op 94-jäörige laeftied.
[niks gerapporteerd]
't Kabinèt-Merkel III weurt geformeerd. 't Sjteunt op 'n groete coalitie (CDU/CSU-SPD), die is meugelik gemaak naodat de SPD dao ieder mit insjtumde.
Bie de verkezinge veur de Bóndjsdaag wintj de CDU/CSU van bóndjskanseleerse Angela Merkel sjterk. Häören hujige coalitiepartner FDP kump aevel neet euver de keesdörpel en de linkse partieje haole same 'n mierderheid; Merkel zal daoróm nao 'n anger coalitie mótte zeuke.
Joachim Gauck (SPD), 'ne gewaeze minsjerechtesjtriejer oet de DDR, weurt door de groete coalitie (CDU/CSU, SPD, FDP) as de nuje kandidaat veur 't presidentjsjap van Duutsjlandj.
President Christian Wulff van Duutsjlandj trejt aaf nao versjillende sjendale róndj corruptie en beïnvleuje van de media.
Bie verkezinge in Zjwitserlandj verluus de extreemrechse Zjwitserse Volkspartie ónverwach.
Bie deilsjtaotsverkezinge in Berlien liejt coalitiepartiej FDP, die zelfs neet de keesdörpel haolt, 'n zjwaor naerlaog. CDU wèntj mer lich, SDP verluus lich. De Piratenpartei kump nui in de landsdaag.
In Duitsland störf de 17e persoen ten gevolge vaan besmetting mèt 'ne - nuie - gevierleke variant vaan de EHEC-bacterie. Ouch in Zwede is 'ne doeje gevalle.
D'n tribbenaal in Koblenz veroerdeilt Detlef S. tot 14 jaor en zes maond gevangenis óm zjwaor seksueel misbroek van zien eige kènjer.
Federaal minister Karl-Theodor zu Guttenberg (CSU) nump óntsjlaag nao sjendale euver weitesjappelik plagiaat.
De Zjwitsers sjtumme in e referendum veur 'n ómsjtrejje wèt die edere boetelenjer veur 't liegste vergriep nao zie toeslandj tröksjik. Taegesjtandj is geconcentreerd in Franstalig Zjwitserlandj.
In 'ne zoo in Karlsruhe weujt 'ne brand, woebiej versjillende dere ómkómme. Mit oetsjterve bedreigde dere zeen neet getroffe.
Ónger 't Gotthard-massief in Zjwitserlandj weurt doorgebroke, woedoor de langste tunnel van de waereld (57 kilomaeter lang) vaerdig kump. De Gotthard-Basistunnel zal nao verwachting róndj 2017 in gebroek kómme as sjpaortunnel.
Op de Love Parade, dit jaor in Duusbörg, brik paniek oet woebiej 20 doeje valle. De organisatie besjlut daonao 't evenemènt veur altied aaf te sjaffe.
De Duutsje boondspresident Horst Köhler trejt aaf nao commotie róndj ómstrejje oetsjpraoke euver de Duutsje laegerinzat in Kunduz (Afghanistan).
De Limburgs/Rienlandse kreegsmisdaojiger Heinrich Boere weurt óm 'ne drievawdige maord gedaon in 1944 tot laeveslank veroordeild.
In Kölle is 't stadsarchief ingestort, vermoedelek door bouwwerkzaamhede aon de nui metrolijn oonder 't gebouw. Veer lui weure vermis.
1 april 2005 - 30 mei 2005 - 1 augustus 2005 - 12 december 2005 - 2 februari 2006 - 11 april 2006 - 27 december 2006 - 24 juni 2007 - 19 april 2008
This article uses material from the Wikipedia Limburgs article In 't nuujs - Duutsjlandj, Oesteriek en Zjwitserlandj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.