Alternative Für Deutschland
Dit artikel is gesjreve (of begós) in 't Heëlesj.
Laes hie wie v'r mit de versjillende saorte Limburgs ómgaon.
Alternative für Deutschland, kót: AfD, is 'n Dütsje eurosjkeptische en rechs-populistische partei. Ze woar ópgerich óp 6 fibberwaar 2013 en doog nog in 'tzelfde joar vuur 't ieësj mit aa de Hessische deelsjtaatverkezinge en de Dütsje Bóndsdaagverkezinge van 22 september. Ze is óch lid va de Europees politiek gróp Europe des nations et des libertés. De partei weëd mieëtstes igedild aa g'ne rechterkank van 't politiek sjpektrum, meh meininge doaruëver lope dök oeteree. Ze liek doarum hendig óp de Nederlandse PVV va d'r Venloneër Geert Wilders, meh weëd óch gezieë es sjwesterpartei van 't Franzuësisje Front National. 't Vuurnaamste doel va de partei is 't ópheffe va de Eurozone, 't heriveure van nationaal munte, woarónger de Dütsje mark en 't sjlete va de boetegrenze en doamit 't were va asielzeukere. Óch sjteet ze bekank um höar kritiek óp d'r islam.
In 2013 holde ze nog neet d'r keesdurpel van 5 procent, in 2017 beholde ze 12,6 procent va de sjtumme. Doamit is ze de daarde groeëtste partei binne d'r Bóndsdaag gewoeëde en is ze hei óch verteëgeweëdig.
Organisatie
D'r parteivuurzitter va de AfD is Jörg Meuthen. Höar vizevuurzitters zint Alexander Gauland, Beatrix von Storch en Albrecht Glaser. D'r bóndssjatsmeister is Klaus Fohrman en ónger zing leiding hat de partei e kapitaal van 6,1 mieljoeën euro (15 fibberwarie 2017). De partei telde i jannewaar 2017 25.000 lede, oeëva sommige óch lid woare va de AfD-jeugorganisatie, geneumd de Junge Alternative. De klure va de partei zint helblauw, roeëd en wit.
Ideologie
De partei weëd mieëtstes besjtumpeld es deeloetmakenterende van 't eurosjcepticisme, nationalisme (neigend nao de etnische vorm), nationaalconservatisme, rechs-populisme en anti-feminisme.
Zieëtelverdeling
De partei hat 97 va de 709 Bundestagszieëtele en 148 va de 1.821 meugelige zieëtele, versjpreid uëver de versjillende Dütsje Bundesländer. In 't Europees Parlement hat ze meh inne zieëtel va de 96 Dütsje zetels. Dit kunt dils weil 't ging verkezinge mieë hat gegeëve vuur de EU seër de ópkoms va de populariteet va dees partei.
Weblinke
 | Commons: Alternative für Deutschland – Media gerelateerd aan dit óngerwerp |
Brónne
This article uses material from the Wikipedia Limburgs article Alternative für Deutschland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.