Dit artikel is gesjreve (of begós) in 't Heljes.
Laes hie wie v'r mit de versjillende saorte Limburgs ómgaon.
Kepèl (Nederlands Panningen) is 'n dörp in de Nederlands-Limburgse gemeinte Pieël en Maas, vasgegreujd aan Helje wat t'n oeëste van Kepèl ligk. 't Dörp heij op 1 juli 2008 7598 inwoeëners. Bovedeen sjtóng in Kepèl 't raodhoes van Helje.
Kepèl is genumt nao de in 1643 gebouwde kapèl, die de ganse gemeinte veurzoog. Toen in de negentiende ieëw de religieus belaeving veul intenser woort mós me de kapèl oetbouwe tot 'n echte kèrk. In 1929 woort de aoj kepèl aafgebroke en door 'n ni-j kèrk vervange van arsjitek H.W. Valk. Ze rakde in 1944 zwaor besjadigd mer is daonao gerestaureerd.
Kepèl is 'n belangriek regionaal centrum: 't veurzuut de umgeving van sjoeële, wèrk in d'n deenstesector en winkels.
Beij Kepèl, allewiel aevel mieër beij Beringe, mak de Panninger Linie 'nen dreij. Dees isoglos (de grens tösse slaope en sjlaope) is dan ouch nao dit dörp genumd.
Tot 1 januari 2010 waor Kepèl de hoofplaats en de groeëtste kern van de toen opgeheve gemeinte Helje.
Dörper: Baolder · Beringe · Bree · Echel · Eik · De Grashook · Helje · Kepèl · Kessel · Kunningslus · Mael | |
Gehuchte en naobersjappe: Belgenhoek · Oijen · 't Rooth · Rogkelsendiek · Siberië · Witdónk · De Zele |
This article uses material from the Wikipedia Limburgs article Kepèl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.