Ekifo Ewakuumirwa Eggaali Y'omukka (Estacion) Bajo Hondo, kisangibwa ku lumu ku nguundo ebbiri ez'eggaali y'omukka ezaazimbibwa kampuni z'e Bulaaya ez'enjawulo nga zigenda mu maserengeta g'ekibuga Buenos Aires.
Ekifo kino kisangibwa ku kyalo Bajo Hondo mu Municipaali ya Coronel Rosales.
Ebyafaayo by'ekifo kino, bifaanana n'ebyo eby'ebyalo/abibuga ebikiriraanye anti byonna byatondebwawo lwa nguundo z'eggali y'omukka okuzimbibwa mu bitundu ebyo.
Ekifo kino kyazimbibwa kampuni ya Bufalansa eyitibwa "Compagnie de Chemins de Fer Rosario-Puerto Belgrano". Kyaggulibwawo nga lumu Gatonnya 1910.
Okubalukawo kwa ssematalo eyasooka kwakosa nnyo enzirukanya y'oluguudo lw'eggaali y'omukka
luno, anti Bufalansa yali tekyasobola kuluteekamu ssente. Mu 1948 gavumenti ya Argentina yalweddiza.
Oluguudo lw'eggaali y'omukka luno, lwalekera awo okukola mu myaka gy'ensavu (1970s).
Mu myaka gy'ekyenda(1990s), Ekitundu ky'oluguudo luno eky'omumbambuka kyatandika okuddukanyizibwa kampuni ey'obwannannyini n'okutuusa kati. ekitundu ky'omumaserengeta tekikola olw'ensonga nti mu myaka gy'ekinaana (1980s), ekitundu ku luguudo luno ekweza Kilomita nga amakumi ana (40kms), kyayonoonebwa amataba.
Ku makya g'olunaku lwa Museenene 27 1930 (Nov 27 1930), ennyonyi y'amagye g'okumazzi, ekiwawaatiro kyayo kyatomera ekizimbe ekiri ewalindirwa eggaali y'omukka " Estacion Bajo hondo, ekizimbe ne kisaanawo, n'ennyonyi n'egwa n'ekwata omuliro nayo n'esaanawo. N'okutuusa kati ekizimbe kino tekizzibwwangawo. ( Ebisigala byakyo byebikyaaliwo).
This article uses material from the Wikipedia Luganda article Ewakuumirwa Eggaali Y'omukka (Estacion) Bajo Hondo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Luganda (DUHOCTRUNGQUOC.VN) is an independent company and has no affiliation with Wiki Foundation.