Ekibumba (Liver) kirina omulimu ogwa maanyi okukola ku biriisa ebikamulwa mu kikamulabiriisa.
Eky’okulabirako , obutaffaali bw’ekibumba bujjamu ggulukoosi ayitiridde obunji okuva mu musaayi ne kimufuula polima(polymer) eyitibwa girayikojeni(glycogen) okuterekebwa.
Ekibumba era kikola mu kutereeza kwa aminasidi (amino acid metabolism). Ekibumba kikyusa aminasidi (amino acids) ezimu okuzifuula ebipooli(compounds) ebiyinza okukozesebwa mu manyikasoboza aga mutereezabulamu(energy metabolism). Mu kukola kino ekibumba kijja mu mubiri ebibinja bya amino okuva mu aminasidi ne kikozesa ebibinja bya amino okukola olusulooji(urea). Olusulooji(urea) lujjibwa mu mubiri nga lufulumira mu musulo. Amasavu(fats) gakolebwaako okudda mu namunigina za kaboni bbiri ( two-carbon units) ezisobola okukozesebwa mu mutereeza bulamu ow’amaanyikasoboza(energy metabolism).
Ekibumba era kitereka vitamiini ne minero, kikola ebizimbamubiri bingi eby’omumusaayi(blood proteins),kyegattisa kolesitulo( synthesizes cholesterol) ne kikola bire okukamula ebiriisa by’amasavu mu mmere.
Bivudde mu kitabo Essomabiramu, ekya Muwanga
This article uses material from the Wikipedia Luganda article Ekibumba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Luganda (DUHOCTRUNGQUOC.VN) is an independent company and has no affiliation with Wiki Foundation.