Dorcus Acen, ng'abasinga bamumannyi nga Dorcas Acen, munabyabufuzi Omunayuganda akiikirira abakyala ba Disitulikiti ya Alebtong mu Paalamenti ya Uganda eyekumineemu. Yeesimbawo ku ky'Omukyala omubaka mu Paalamenti ya Uganda owa Disitulikiti ya Alebtong ey'ekumi nga munabyabufuzi eyali talina kibiina kyagiddemu.
Mu kulonda kwa 2021, Dorcus Acen yali yeekuusa ku kibiina ky'ebyobufuzi ekiri mu buyinza ekya National Resistance Movement. Mu biseera byeyakolerau kakuyege w'okunoonya obululu, yawaayo ambyuleensi bbiri mu Disitulikiti gyebamuzaala okuyamba okwanguya ensonga z'abalwadde ababeera balina okutwalibwa mu malwaliro nga tebalinda, ssaako n'okwanguya ensonga y'okulwanyisa obutasaasaana bwa kirwadde kya COVID-19. Yawa abantu nadala abatesobola akawunga n'ebinjanjalo mu Disitulikiti, abaala obulamu nga bugotanyiziddwa omugalo olwali gwongeddwako, n'engeri endala pulezidenti zeyali ataddewo okulwanyisa ekirwadde kya COVID-19 okwetoloola eggwanga lyonna. Mu kulonda kwa Uganda okwa bonna mu 2021, Acen yalondebwa ng'oubaka omukyala owa Disitulikiti ya Alebtong. Mu Paalamenti eyekumineemu, awereza ku kakiika k'ekikula ky'abantu, emirimu n'enkulakulana y'ebitundu.
Yakolako ku GBV Prevention Network ng'omuntu eyali alwanyisa obutabanguko obuva kunsonga z'okwegata wamu n'obutabanguko obuleeta okutulugunya abakyala. Mu 2018, yakolako ng'omuwabuzi w'alwanirira ekikula ky'abantu n'okukikuuma mu kitongole kya CARE International mu South Sudan, gyeyali avunaanyizibwa kuntambula za pulogulaamu z'ekikula ky'abantu n'okukikuuma.
This article uses material from the Wikipedia Luganda article Dorcus Acen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Luganda (DUHOCTRUNGQUOC.VN) is an independent company and has no affiliation with Wiki Foundation.