Lista Selulas De Sangue

A su es un lista de la selulas de la sangue (emosites), con sua forma engles. Nota ce la sufisa -site sinifia selula, -blasto sinfia un selula nonmatur, e -poiese sinfia la developa.

• emositoblasto – (engles: hemocytoblast) Un de la selulas madrin de sangue cual produi plu selulas de sangue, tipal en la medulas de la osos
• ematopoiese – (engles: hematopoiesis) La produi de selulas madrin de sangue e trombosites, cual aveni en la medulas de la osos

• eritrosite (selula roja) – (engles: erythrocyte) Un selula roja de la sangue, cual transporta osijen e diosido de carbono a e de la texedas
• normoblasto – (engles: normoblast) Un tipo normal de eritroblasto
• eritroblasto – (engles: erythroblast) Un eritrosite nonmatur, conteninte un nucleo
• eritropoiese – (engles: erythropoiesis) La produi de eritrosites

• trombosite – (engles: thrombocyte) Un selula peti, discin, sin color e sin nucleo, trovada en la sangue en cuantias grande e envolveda en coagula de sangue
• trombopoiese – (engles: thrombopoiesis) La prosede de jenera trombosites
  • vide ance: trombose – (engles: thrombosis) La coagula local de sangue en un parte de la sistem de sangue

• leucosite – (engles: leukocyte) Un selula sin color cual sirculi en sangue e otra licuidas de la corpo e partisipa en combate maladias
  • vide ance: leucemia – (engles: leukemia) Un maladia en cual la medula de osos e otra organos cual formi sangue produi tro multe leucosites nonmatur o nonormal
• fagosite – (engles: Phagocyte) Un tipo de selula en la corpo, capas de enclui e asorbe baterias e otra selulas e particulas peti

Granulosites

• granulosite – (engles: granulocyte) Un selula blanca de sangue con granes secretente en sua sitoplasma, per dise un eosinofilica o basofilica
  • vide ance granuloma – (engles: granuloma) Un masa de texeda granin en la corpo, tipal causada par un infeta, inflama o la presentia de un materia stranjer
• mielosite – (engles: myelocyte) Un selula joven, tipal locada en la medula de osos, cual produi
  • vide ance: mieloma – (engles: myeloma) Un tumor canserosa de la medula de oso
  • basofilica – (engles: basophil) Un selula capas de es fasil colorida par tinjentes alcalin
  • eosinofilica – (engles: eosinophil) Un selula cual conteni granetas fasil per tinje con eosin
  • neutrofilica – (engles: neutrophil) Un selula capas de es fasil colorida par tinjentes neutra
• mastosite – (engles: mast cel, mastocyte) Un selula plenida con granes basofilica cual relasa istamina e otra cimicales en reatas inflamante o alerjica
• granulopoiese – (engles: granulopoiesis) La produi de granulosites

Monosites

• monoblasto – (engles: monoblast) Un selula en la medula de oso, cual deveni monosites e ultima macrofagos
• monosite – (engles: monocyte) Un selula blanca de sangue, grande e fagosital, con nucleo oval e sitoplasma clar e grisin
  • macrofago – (engles: macrophage) Un fagosite trovada en un forma nonmovente en la texedas o como un selula blanca de sangue, tipal a locas de un infeta
• monositopoiese – (engles: monocytopoiesis) Un prosede cual causa la produi de monosites e ultima macrofagos

Limfosites

• limfosite – (engles: lymphocyte) Un forma de leucosite peti con un sola nucleo ronda
  • limfosite NK (selula matante) – (engles: natural killer cell, NK cell) Un selula cual distingui selulas infetada e tumores de selulas e tumores normal; cuando ativida, los relasa sitocinas cual destrui la mal selulas
  • limfosite T – (engles: T-cell; la T es de timo) Un selula cual produi sitocinas cual direta la responde imunial; algas produi sitocimas cual destrui mal selulas
  • limfosite B – (engles: B-cell; la B es per "bone marrow", medula de oso) Un selula cual responde a patojenes par produi cuantias grande de anticorpos cual neutrali baterias e viruses
  • plasmasite – (engles: plasmacyte) Un selula blanca de sangue cual secrete cuantias grande de anticorpos; derivada de B selulas
• limfoblasto – (engles: lymphoblast) Un selula nonormal, semblante un limfosite grande, produida en cuantias grande en un forma de leucemia
• limfopoiese – (engles: lymphopoiesis) La prosede de jenera limfosites
  • vide ance: limfoma – (engles: lymphoma) - Un canser de la nodas limfal