Vicitecnolojia
Un vici es un loca de rede cual permete se lejores crea e cambia la pajes, usante sola sua surfador.
Pajes de rede es usual scriveda en HTML, un lingua alga complicada per organiza testos e imajes. En un vici, par contrasta, on cambia la pajes usante un lingua de marca multe simplida, o an un editador cual mostra direta la aspeta tipografial de la pajes.
Vicis es comun usada per crea pajerias colaborosa de comunias, per la manteni de notas personal, en redes de companias, e en sistemes per maneja informa. Un de la vicis la plu bon conoseda es Vicipedia, un ensiclopedia grande, scriveda par sua lejores.
Ward Cunningham, la developor de la programa prima de vici, "WikiWikiWeb", ia descrive el como "la banco de datos enlinia la plu simple per opera".
La nom "vici" deveni de la parola hauaian "wiki" cual sinifia "rapida", car vicis es un modo rapida per crea pajes de rede.
This article uses material from the Wikipedia Lingua franca nova article Vicitecnolojia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.