Rio Ob

Lo formi a la conflue de la Rio Bia e Rio Catun, cual ave sua orijinas en la Montes Altai. Lo es la rio la plu ueste de la tre rios grande de Sibir cual esflue a la Mar Artica (la otra du es la Rio Ienisei e la Rio Lena).

La ob comensa 25 km sude-ueste de Bisc en la Altai Crai do la Bia e Catun conflue. La curso tota de la Ob es en Rusia, an si sua afluentes estende en Cazacstan, Xina, e Mongol. La Ob flue norde e este a la Golfo de Ob, un baia de la Mar Cara de 1000 km de longia, separante la Penisola Iamal de la Penisola Gida. La Golfo de Ob es la estuario la plu longa en a mundo.

La Rio Irtix es la afluente xef de la Ob. La sistem Ob-Irtix combinada es la sistem cuatro la plu longa de Asia (pos la Ienisei, e la Rio Yangzi e Rio Jala en Xina). Lo es 5410 km de longia, e la area de sua basin es 2,990,000 km2. La Ob furni iriga, acua per bevi, enerjia idroeletrica, e pexa (con plu ca 50 spesies de pex). On ave alga sentros eletrical importante longo la Rio Ob.