La rio Jala, o la Huang He (黄河), es la rio du en longia en Asia, pos la rio Yangzi, e la rio ses en la mundo, con un longia de 5464 km.
Lo orijina en la montes Bayan Har en la provinse Qinghai en Xina ueste, lo flue tra nove provinses, e lo esflue en la golfo Bohai prosima a la site Dongying en la provinse Shandong. La basin de la rio Jala ave un estende de la este a la ueste de sirca 1900 km e de la norde a la sude de sirca 1100 km. La area de la basin es sirca 752,546 km2.
Sua basin ia es la cuna de la sivilia de Xina antica, e lo ia es la rejion la plu rica en la istoria temprana xines. On ave deluvias ruinante frecuente e cambias de curso produida par la eleva continual de la leto de la rio, a veses supra la nivel de sua campos cultivada.
Tradisional, on crede ce la sivilia xines ia orijina en la basin de la rio Jala. La xines refere a la rio como "la rio madre" e "la cuna de la sivilia xines". En la istoria longa de Xina, la rio Jala ia es considerada como un bondise ma ance un maldise, e ia ave la nometa "la gloria de xina" (中国的骄傲, zhongguode jiao'ao) e "la tristia de xina" (中国的痛, zhongguode tong).
This article uses material from the Wikipedia Lingua franca nova article Rio Jala, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.