La mustelidos es un familia de mamales carnivor.
Lo es un grupo diversa e formi la familia la plu grande en la ordina Carnivora, suordina Caniforma. Los inclui sirca 56 e 60 spesies con oto sufamilias.
En un estende grande de varias, la mustelidos mostra alga qualias comun. Los es tipal animales peti con corpos longida, gama corta, oreas corta e ronda, e pelo densa. La plu es solitar e noturna, e es ativa tra la anio.
Con la eseta de la lutro de mar, los ave glandes anal de odores cual produi un secreta odorosa, cual la animales usa per siniali sesal, per marca sua teritorios, e defende se de atacores.
La tairas, martenes, e pexores es partal arboral, e taxones abita en tuneles. Un cuantia de mustelidos abita rios e an mares. La lutra de mar es un de la rara mamales conoseda como usante un util cuando forejante, usante petras per abri la crustaseos cual forma un parte sinifiante de sua dieta.
Alga muselidos - zibalinas, erminos, e visones ia ave pelos multe bela e valuada, e los ia es xasada per sua pelos de edas preistorial. De la edas medieval temprana, la comersia en pelos ia es de importa grande en economia. Esta parteni spesial a la nasiones de Europa norde e ueste, cual ia conteni multe grande cuantias de mustelidos, e cual ia es un forsa economial de la estende de Rusia a Sibir, e de Frans e Britan a America Norde.
Un mustelido - la furon, ia es domada e es un animal de casa alga comun.
Subfamily Taxidiinae
Subfamily Mellivorinae
Subfamily Melinae
Subfamily Helictidinae
Subfamily Guloninae
Subfamily Ictonychinae
Subfamily Lutrinae
Subfamily Mustelinae
Jeneras de mustelidos estinguida
|
This article uses material from the Wikipedia Lingua franca nova article Mustelido, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.