Bill Gates
William Henry Gates III (1955–) es un maniate comersial de la SUA e la cofundor de la corpora Microsoft.
El ia nase en Seattle, Washington. En 1975, el ia aida Paul Allen, sua ami de liseo, a developa un varia de BASIC, un lingua de programa per la computador Altair, la computador personal prima. En esta mesma anio, la du ia fundi Microsoft.
En la temprana de la desenio de 1980, Gates ia gida la evolui de Microsoft, de la developa de linguas de programa, asta un compania de programas diversa cual produi sistemes de opera, apes, e utiles per programores. En 1981, Microsoft ia introdui MS-DOS, la sistem de opera per la PC nova produida par IBM (International Business Machines Corporation).
Gates ia stimula alora otra fabricores de PC a usa MS-DOS como un sistem comun de opera. El ia gida Microsoft a introdui programas de aplica como Microsoft Word, un scrivador per documentos. Gates ia es astuta en suporta tecnicas nova. Esta ia avansa Microsoft a la fronte de developa programes e aparatos de PC.
This article uses material from the Wikipedia Lingua franca nova article Bill Gates, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.