Logografia

Ma esta sistem es usada an oji en Xina, cual inclui la cuantia de popla la plu grande en la mundo. En lingua scriveda, un logogram es un sinia scriveda cual represente un parola o un espresa. Esta metodo nesesa alga injenia, car an si cosas e animales simple es fasil desiniada, un lingua debe ance conteni multe sinias per ideas astrata, inclui paroletas gramatical. Incluida como usante logografia es la scrive xines (e la canji usada en japanes), ieroglifos, la scrive maia, e la scrive cuneforma. Ma no sistem de scrive es sola logogrames. On debe ave tro multe sinias unica si cada sinia indica sola un parola unica. Per esta razona, la logografias combina la usa de logogrames con sinias cual indica un pronunsia. En alfabetas, silabarios (abjades) e alfabetas consonantal (abugidas), la sinias scriveda (nomida fonogrames) represental sonas (fonemes) e no parolas. Nota ce un la plu de linguas, fonogrames no coresponde esata con la fonemes. Engles es un bon esample de un lingua cual usa un alfabeta ma cual ave un sistem de spele multe noncoerente. Ma la usa de logogrames, an con la ajunta de fonogrames, es multe difisil: lo nesesa la memori de sentos o an miles de simboles.