Hipocrate (460?-377? aec), la mediciste la plu grande de la eda antica, es regardada como la padre de medica.
On suposa ce el ia nase sur la isola Cos en Elas. El ia viaja multe ante abita sur Cos per pratica e instrui medica. Sua scrives grande inclui Airas, acuas e locas, en cual el mostra ce la causa de maladia es ambiental e no divin. El ia asentua sua idea revoluinte ce par oserva casos diversa, un mediciste pote predise la curso de maladia, en sua obra Predise e dises saja. El ia comensa sua conseta de medica preveninte en "rejimes en maladias agu" e ia esplica no sola rejimes ma ance la modo jeneral de vive de maladas.
La dise saja prima ("Arte es longa, vive es corta") ia es traduida a latina como Ars longa, vita brevis. Lo refere a la arte de cura maladias.
Me jura, par Apollo la dio de medica e par tota dios, ce me va respeta mea ensenior de esta arte en egalia con mea jenitores. Me va comparti con el mea ricia, e instrui sua fios sin costa. Seguente mea capasia, me va aida la maladas e va feri o mali nunca los. Me va dona nunca venena a cualcun, an si obligada. Me no va dona medisin abortante a cualce fem. Me va usa nunca la cotel per estrae un calculo de ren, ma me va envia la sufror a medicistes capas de esta. En cualce casa a cal me va entra, me va aida la maladas e va fa nunca mal, spesial evitante copula con fem o om, libre o sclavo. Me va trata como secretas santa tota cosas cual me oia o vide en mea profesa, e va esposa nunca los a otra persones. |
This article uses material from the Wikipedia Lingua franca nova article Hipocrate, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.