La Asosia per Lingua Franca Nova (ALFN) es un asosia nonformal de parlores e suportores de la lingua aidante internasional lingua franca nova.
La intende de la asosia es la regula, la boni e la promove de elefen como ance la estende de sua vocabulo e la crea de terminolojia.
Per fa esta, la Asosia crea la Disionario de Elefen, un disionario xercable enlinia, cual ia es prima publicida como la Disionario de Lingua Franca Nova: Elefen-Engles Engles-Elefen.
La Asosia debate sur parolas nova e dutas en la foro de sua vici.
A presente, la governa es un comite de la dirijores de la vici. On deveni un membro de la asosia par declara, "en la solitaria de sua propre studio", ce on es un membro.
En la futur, la comite va crea modos plu formal per rejistra como un membro, eleje governores, etc, e va corpora cisa como un asosia nonprofitante.
This article uses material from the Wikipedia Lingua franca nova article Asosia per Lingua Franca Nova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.