Maldises En Lingua Franca Nova

Esta parolas refere comun a seso e escrete, ma pote ance inclui espresas relijiosa o de maldises cual inclui un desira ce algun mori o malada.

Per favore nota ce la desiniores de elefen no sujeste ce on comensa usa estas en tua conversa dial! Ma los es nesesada spesial per tradui leteratur cual conteni carateres ci parla en un modo basa, como criminores e otra persones vil.

La psicolojiste, linguiste, e scrivor canadian, Steven Pinker, ia sujeste sinco roles posible de maldises:

• Maldises de maltrata, cual es intendeda per ofende, menasa, o en otra modos causa feri emosial o psicolojial;
• Maldises purgante, cual es usada como respondes a dole o malfortuna;
• Maldises degradante, usada per indica pensas negativa de la ojeto, e per causa ce la escutor pensa simil;
• Maldises de asentua, usada per atrae atende a alga cosa videda como importante per atende;
• Maldises de cameradia, cual es intende per no otra razona ca un sinia ce la conversa entre la parlor e la escutor es nonformal.

Referes a copula

Fode es la parola xef nonformal per indica fa la seso. Un person odiada es un fodor. Suca la pixa o leca la cuno refere a felatio e cunilingo. La nomes es sucapixa e lecacuno.

Per masturba, elefen ave verbos como diti se o fodeta per refere a ata e nomes como pixeta per insulta algun.

Referes a jenitales

La testiculos es nonformal nomida coiones (de espaniol cojones). La penis es la pixa, e lo pote es usada per nomi un person vil.

La jenitales femin es nomida cuno, e lo pote es usada per insulta algun. Un otra parola per insulta femes es puta, ma lo pote es ance usada a omes.

Usa parolas per animales per refere a persones es comun en multe cultures. Esemplos inclui can, porco, serpente, etc. Los es tipal min sever ca otra maldises, ma pote ave sujestes silente de sesalia cual porta la pica.

Alga cultures no aseta omosesalia, e refere a otras como omosesales pote es insultante. Usante parolas como ge, cver o lesbian es tabu, an si la parolas mesma no es vera insultas. Ance, alga cultures manteni ancora un distingui de prestijia entre omes e femes. Esta cultures ave tipal sentis forte de masia, e refere a un om como un fem es videda como multe insultante.

Referes a la senos

Parolas nonformal per refere a senos es mamelas e tetones.

Referes a la posterior

On pote sujeste besa mea culo o leca mea culo. E lun person pote es clamada un besaculo o lecaculo.

Merdi e caci es la du parolas xef en lingua franca nova referente a la ata de feci. Caca e merda pote es usada per refere a alga cosa o aveni iritante. On pote dise ce un person es plen de caca.

Un otra categoria de parolas e espresas condenada como maldises es los cual usa consetas de relijio. Esemplos inclui Dio condena tu, vade a enferno, etc. On pote ance usa parolas como Dio o de persones santa como Jesus Cristo en modos nonrespetante per xoca otras. Si on combina maldises sesal con cosas relijiosa, on pote xoca otras en un modo perilosa!

En la pasada, ma ance aora en alga cultures, persones basa usa indicas de etnicia, raza, o prestijia sosial como insultas. Estas pote an ave se propre termas negativa, como la parola "nigger" en engles. Elefen no ave cualce parolas de esta tipo, e un traduor ci nesesa un debe es creosa en sua scrive per comunica los. Un posible es usa la sufisa -eta pos un nom o descrive de un popla. Otra es ajunta de merda pos la nom o popla.

En alga cultures, insultas seria inclui sujestes ce la person odiada mori o developa canser o otra maladia grave, o ce los deveni ferida en alga modo. Un esemplo seria es mata se!.