Lycée Du Nord: Secondairesschoul zu Wolz
De Lycée du Nord, kuerz LN, ass eng ëffentlech lëtzebuergesch Secondairesschoul zu Wolz.
| (LN) | |
|---|---|
| Typ | Secondairesschoul, ëffentlech Schoul |
| Regimm | Classique, General, Professionnel |
| Land | Lëtzebuerg |
| Uertschaft | Wolz |
| Adress | 19, rue Général Patton L-9551 Wiltz |
| Schülerzuel | 1.075 |
| September 2022 | |
| Ënnersteet der/dem | Ministère fir Bildung, Kanner a Jugend |
| Gegrënnt | 18. Juni 1969 |
| Um Spaweck | https://lnw.lu/ |
 | |
Historique
Op Basis vum Gesetz vun 1965 iwwer d'Mëttelschoulen ass mam groussherzogleche Reglement vum 18. Juni 1969 de Lycée, deen deemools « Collège d'enseignement moyen » geheescht huet, gegrënnt ginn. Zur Schoul hunn och nach Dependancen zu Ëlwen a Klierf gehéiert. D'Beruffsausbildung vun Ëlwen a Klierf ass kuerz drop, mam Reglement vum 15. Juli 1969, bei d'Wëlzer Mëttelschoul geprafft ginn an d'Schoul krut dunn den Numm « Collège d'enseignement moyen et professionnel du Nord ». Am September 1969 ass eng éischt Kéier Schoul gehale ginn.
1973 huet d'Chamber e Gesetz gestëmmt mat deem d'Regierung d'Erlabnes krut fir e Gebai fir de Lycée bauen ze loossen. Méi spéit goufe Vergréisserungen erlaabt: eng éischt Kéier 1995 an duerno nach 2001.
1979 ass aus der Mëttelschoul e Lycée technique ginn, deen den Numm « Lycée technique du Nord » krut.
Mam Gesetz vum 24. Mäerz 1992 krut d'Schoul och eng « Classique »-Sektioun an aus dem Lycée technique gouf e Lycée, deen dunn den neien a bis haut gëltegen Numm « Lycée du Nord » krut.
2010 goufen de 40. Anniversaire vun der Schoul gefeiert an nei Gebaier ageweit.
Mat engem Fest ënnert dem Numm « LN Celebrating » a mat enger Séance académique sinn 2019 dem Lycée seng fofzeg Joer gefeiert.
Direkteren
- 1969 - 2001: Fernand Schmitz
- 2001 - 2011: Jo Troian
- 2011 - 2016 : Pierre Koppes
- 2016 - haut : Pierre Stockreiser
Kuckt och
Um Spaweck
- Websäit vum Lycée du Nord
- Radio LNW - De Radio vum Lycée du Nord
Referenzen
This article uses material from the Wikipedia Lëtzebuergesch article Lycée du Nord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.