Tauri
Tauri (Graece Ταῦροι) fuere populi antiqui, incolae litoris meridiani (ut plurimum, regionis montanae) Crimaeae, quae secundum eos Tauria vel Chersonesus Taurica vocabatur.
In operibus geographorum historicorumque Graecorum (Herodoti, Strabonis) et Romanorum (e.g. Taciti) a saeculo sexto a.C.n. ad initium saeculi secundi p.C.n. commemorabantur, gradatim enim cum Scythis mixti sunt (idcirco autem a Plinio Scythotauri, vel etiam Tauri Scythae ac Tauroscythae nominati).
In mythologia Graeca Tauri populus chersonesi Tauricae erant qui deam quandam Artemidi a Graecis adsimulatam sacrificiis humanis colebant. Quorum regem Thoantem Euripides in tragoediam Iphigenia in Tauris inducebat qui iam persona tragoediae Sophocleae hodie deperditae Chryses fuerat.
Notae
Nexus externi
This article uses material from the Wikipedia Latina article Tauri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.