Mahometus seu Mahumetus, Machometus, Mahometes (-is, masc.), vel Maometus et multae aliae huius nominis variationes Lingua Latina sunt in usu pro nomine Arabico محمد muḥammad, quod plerumque praenomen adhibetur.
Homo notissimus huius nominis est propheta islamicus Mahometus. Variantibus inclusis Mahometus nomen in orbe terrarum maxime diffusum habetur.
Mahometus Lingua Arabica orta laudatus sive benedictus significat. Nomen a radice حمد (ḥamida = laudare, bendicere) deductum est aeque ac alia nomina Arabica sicut Ahmad, Hamid vel Mahmud. Nomen saepe etiam "Mediator inter deum hominesque" vertitur.
Transcriptio e Lingua Persica est Mohammad (IPA: mohæm.mæd). Forma nominis in Lingua Turcica est Mehmed sive Mehmet et Muhammet (etiam Muhammed). Prius multis in linguis Europaeis forma Mohamet in usu erat, cuius t-finale linguae Turcicae debetur, cui linguae est obduratio sonorum finalium. Haec forma nominis etiam his diebus in Lingua Francogallica pervulgata est, forma tritissima Italica Maometto aeque ac forma Hispanica Mahoma vel Lusitana Maomé etiam ab hac forma originem repetunt. In regionibus olim Unionis Sovieticae forma Magomet est praenomen frequens Musulmanorum. Variatio africana est praenomen Momodou, in Gambia usitatum.
This article uses material from the Wikipedia Latina article Mahometus (nomen), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.