Ioannes Franciscus Giudice (Patavii die 25 Ianuarii 1961 natus) est physicus Italicus.
In Patavina Universitate doctoris insigne consecutus est, atque in Tergestina Schola Superiorum Studiorum philosophiae doctor electus est. Sua studia ad physicam particularum elementariarum, Theoriam Canonicam, et supersymmetriam consecravit. Operam in Officina Fermiensi dedit, ubi maximum particularum acceleratrum in Mundo Novo constructum erat, et in Universitate Texana, cum physici Civitatum Foederatarum illo tempore Superducentem Super Conflictorem (SSC) aedificarent.
Philosophiae naturalis vir doctus, theoriam particularum elementariarum perlegit in Consilio Europaeo Requisitionis Nuclearis (CERN), a plerisque civitatibus Europaeis creatum Genavae in fine Helvetiae et Galliae. Rector CERN Collegii Physicae Theoreticae, ab Lynceorum Academia sodalis cooptatus est. Plurimos honores accepit: Iacobus Solvay Physicae Cathedra (Universitas Libera Bruxellensis, anno 2013), Praeclara Cathedra Visitatoris pro Investigationibus (Perimeter Institutum, Canada, anno 2019), Sackler Praeclarus Praelector (Universitas Telavivi, anno 2020), Chandrasekhar Praelector (Tata Institutum, Bengalurus, anno 2022), Professor Schroedingerianus (Alma Mater Rudolphina Vindobonensis, anno 2023).
Ad nostrae aetatis scientiam eximie contulit, quia plures libellos de rebus particularum et de origine mundi universi scripsit. Auctor est A Zeptospace Odyssey, libri qui narrat de particulatro acceleratro cui nomen datum est Latus Hadronum Conflictor (LHC) et ubi boso Higgsianus inventus est.
This article uses material from the Wikipedia Latina article Ioannes Franciscus Giudice, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.