Brassa Ynys an bys yw Greunlond (Greunlondek: Kalaallit Nunaat) ynter an keynvoryow Iwerydh hag Arktik .
| |||||
Kenedhel | Rywvaneth Danmark | ||||
Yethow soedhogel | Greunlondek, Danek | ||||
Pennsita | Nuuk (Godthåb) | ||||
Myghternes | Frederik X | ||||
Kynsa menyster | Kim Kielsen | ||||
Enep -En holl -% dowr | 2 166 086 km² 81,1% | ||||
Poblans (2005) Doesedh | 56 375 0,025/km² | ||||
Mona kemmyn | kurun dhanek | ||||
Kan genedhlek | Nunarput utoqqarsuanngoravit Nuna asiilasooq | ||||
Kodenn Kesroesweyth | .gl | ||||
Kodenn pellgowser | 299 | ||||
A-dro dhe 81% a'n enep yw gorherys gans yey. Tus Inuit o an kynsa trigoryon aswonnys y'n ynys; ynsi a wra hwath an brassa niver a dus. Aga yeth, Kalallisut po Greunlondek, yw pur haval dhe'n yeth Inuktitut kewsys yn Nunavut ha Pow Kebek, Kanada.
Tus Lyghlynn a drevesiga yn Greunland yn 986 yn-dann Erik an Rudh. Ynsi a henwi an ynys y'n yeth Norsek Grænland, po "tir glas", spit dhe'n rew tew ow korheri enep an ynys. Greunland a besya avel trevesigeth norgaghek bys yn 1814, pan berghennogis Denmark an ynys der an rywvaneth unys a Norgagh ha Danmark. A-dhia 1ª Me 1979 yma omrewl dhe Reunlond.
Sovran Danmark yw penn an stat. Gans governans Danmark y fydh henwys unn Rigsombudsmand (Desedheger Ughel) heb leun a alloes neb a negysy a-barth governans Danmark ha'n Rywvaneth y'n ynys.
Yma senedh hag ynno 31 esel dewisys rag peder blydhen. An governans a vydh lywys gans an Kynsa Menyster, Hans Enoksen lemmyn, hag yw lywydh an brassa parti y'n senedh, Siumut.
Nyns yw Greunlond esel mann a'n Unyans Europek a-dhia 1985 awos eseleth Danmark ynno. Byttegyns, an pow yw esel kevrennek a'n Konsel Nordek warbarth gans an kenedhlow lyghlynnek, Island, an Ynysow Faroe, ha Pow Finn.
Nuuk
Sisimiut
Qaqortoq
Ilulissat
An erthygel ma yw skrifys yn Kernewek Kemmyn.
Gwlasow Konsel an Gogledh | |
---|---|
Powyow Omrewlys y'n Konsel: |
Gwlasow yn Amerika Gledh |
---|
Kanada | Meksiko | Statys Unys | (Bermuda) | (Greunland) | (Sen Peder ha Miquelon) |
This article uses material from the Wikipedia Kernowek/Karnuack article Greunlond, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.