ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ಕಾರ್ಖಾನೆ ಭಾರತೀಯ ಉಕ್ಕು ಪ್ರಾಧಿಕಾರದ ಅಡಿಯಲ್ಲಿ ಒಂದು ಘಟಕವಾಗಿ ಮಿಶ್ರಲೋಹದ ಉಕ್ಕು ಮತ್ತು ಮೆದು ಕಬ್ಬಿಣದ ಉತ್ಪಾದನೆಯಲ್ಲಿ ತೊಡಗಿರುವ ಒಂದು ಕಾರ್ಖಾನೆ .
ಇದು ಭಾರತದ ಭದ್ರಾವತಿ ನಗರದಲ್ಲಿದೆ . ಸರ್.ಎಂ.ವಿಶ್ವೇಶ್ವರಯ್ಯ ಮೂಲಕ ಜನವರಿ ೧೮,೧೯೨೩ರಂದು ಮೈಸೂರು ಐರನ್ ವರ್ಕ್ಸ್ ಆರಂಭಿಸಲಾಯಿತು. ಈಗ ಇದು ಭಾರತೀಯ ಉಕ್ಕು ಪ್ರಾಧಿಕಾರದ ವ್ಯಾಪ್ತಿಗೆ ಬರುವ ಒಂದು ಉಕ್ಕು ಘಟಕವಾಗಿದೆ.ಈ ಐರನ್ ವರ್ಕ್ಸ್ ದಿವಾನ್ ಸರ್ ಎಂ.ವಿಶ್ವೇಶ್ವರಯ್ಯ ಮತ್ತು ಮೈಸೂರು ಮಹಾರಾಜರಾಗಿದ್ದ ಕೃಷ್ಣರಾಜ ಒಡೆಯರ್ ಮಾರ್ಗದರ್ಶನದಲ್ಲಿ ಪ್ರಾರಂಭಿಸಲಾಯಿತು.ಇದರ ಮುಖ್ಯ ಉದ್ದೇಶ ಬಾಬಾ ಬುಡನ್ ಗಿರಿ ಬೆಟ್ಟಗಳಲ್ಲಿ ಮತ್ತು ಕೆಮ್ಮಣ್ಣುಗುಂಡಿ ಬಳಿ ಇದ್ದ ಶ್ರೀಮಂತ ಕಬ್ಬಿಣದ ಅದಿರು ನಿಕ್ಷೇಪಗಳನ್ನು ಉಪಯೋಗಿಸಿ ಕಬ್ಬಿಣ ಮತ್ತು ಇತರ ಉತ್ಪನ್ನಗಳ ತಯಾರಿಕೆ ಆಗಿತ್ತು .
ಭದ್ರಾವತಿಯಲ್ಲಿ ಒಂದು ಕಬ್ಬಿಣ ಮತ್ತು ಉಕ್ಕಿನ ಕಾರ್ಖಾನೆ ಸ್ಥಾಪಿಸುವ ಸಲುವಾಗಿ ಪ್ರಾಥಮಿಕ ತನಿಖೆಯನ್ನು ೧೯೧೫-೧೯೧೬ಗಳ ನಡುವೆ ಮಾಡಲಾಯಿತು . ಈ ತನಿಖೆಯನ್ನು ಒಂದು ನ್ಯೂಯಾರ್ಕ್ ಮೂಲದ ಸಂಸ್ಥೆ ನಿರ್ವಹಿಸಿತು . ಇದ್ದಿಲು ಇಂಧನ ಬಳಸಿ ಗಟ್ಟಿ ಕಬ್ಬಿಣ ತಯಾರಿಸುವ ಸಾಧ್ಯತೆಯನ್ನು ಪರಿಶೋಧಿಸಿದರು . ೧೯೧೮-೧೯೨೨ ವರ್ಷಗಳನ್ನು ಕಾರ್ಖಾನೆ ಸ್ಥಾಪಿಸಲು ಮತ್ತು ಆರಂಭಿಸಲು ಕಳೆದರು .ಪ್ರಾರಂಭದಲ್ಲಿ ಊದು ಕುಲುಮೆಯಲ್ಲಿ ಕಬ್ಬಿಣ ಕರಗಿಸುವ ಮತ್ತು ಇದ್ದಿಲು ಉತ್ಪಾದಿಸುವ ಉದ್ದೇಶದಿಂದ ಮರದ ಶುದ್ಧೀಕರಣ ಕಾರ್ಖಾನೆ ಸ್ಥಾಪಿಸಲಾಯಿತು . ನಂತರ ಮದ್ರಾಸ್ , ಅಹಮದಾಬಾದ್ ಮತ್ತು ಕರಾಚಿಯಲ್ಲಿ ಏಜೆನ್ಸೀಸ್ ಮತ್ತು ಬಾಂಬೆಯಲ್ಲಿ ಮಾರಾಟ ಕಚೇರಿ ತೆರೆಯಲಾಯಿತು . ಒಂದು ಎರಕ ಹೊಯ್ಯಲು ಕಬ್ಬಿಣದ ಪೈಪ್ ಘಟಕ , ಮುಕ್ತ ಬೆಂಕಿಯ ಕುಲುಮೆ, ರೋಲಿಂಗ್ ಗಿರಣಿಗಳು ಮತ್ತು ಸಿಮೆಂಟ್ ಸ್ಥಾವರ ನಂತರ ಸೇರಿಸಲ್ಪಟ್ಟವು. ಅನಂತರ ಕಾರ್ಖಾನೆಯ ಹೆಸರು ಮೈಸೂರು ಐರನ್ ಅಂಡ್ ಸ್ಟೀಲ್ ವರ್ಕ್ಸ್ನ ಎಂದು ಬದಲಾಯಿಸಲಾಯಿತು . ತದನಂತರ ೧೯೬೨ರಲ್ಲಿ ಹೆಸರನ್ನು ಮೈಸೂರು ಕಬ್ಬಿಣ ಮತ್ತು ಉಕ್ಕು ಕಾರ್ಖಾನೆ ಎಂದು ಬದಲಾಯಿಸಲಾಯಿತು . ನಂತರ ಕಾರ್ಖಾನೆಯನ್ನು ಜಂಟಿಯಾಗಿ ಕ್ರಮವಾಗಿ ೪೦:೬೦ ಅನುಪಾತದ ಷೇರುಗಳೊಂದಿಗೆ ಭಾರತ ಸರ್ಕಾರ ಮತ್ತು ಕರ್ನಾಟಕ ಸರ್ಕಾರಗಳು ಜೊತೆಯಾಗಿ ತೆಕ್ಕೆಗೆ ತೆಗೆದುಕೊಂಡು ಒಂದು ಸರ್ಕಾರಿ ಕಂಪನಿಯನ್ನಾಗಿ ಪರಿವರ್ತಿಸಿದವು . ೧೯೬೨ರಲ್ಲಿ ಹೊಸ ಎಲ್.ಡಿ. ಪ್ರಕ್ರಿಯೆ ಬಳಸಿಕೊಂಡು ಉಕ್ಕನ್ನು ಉತ್ಪಾದಿಸುವ ಒಂದು ಹೊಸ ಉಕ್ಕಿನ ಘಟಕ ಸ್ಥಾಪಿಸಲಾಯಿತು . ಅದರ ಸಂಸ್ಥಾಪಕರನ್ನು ಗೌರವಿಸುವ ಸಲುವಾಗಿ ೧೯೭೫ರಲ್ಲಿ ಕಂಪನಿಯನ್ನು ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ನಿಯಮಿತ ಎಂದು ಮರುನಾಮಕರಣ ಮಾಡಲಾಯಿತು . ಇದನ್ನು ೧೯೮೯ರಲ್ಲಿ ಭಾರತ ಉಕ್ಕು ಪ್ರಾಧಿಕಾರವು ಒಂದು ಅಂಗಸಂಸ್ಥೆ ಘಟಕವಾಗಿಸಿ ಆಕ್ರಮಿಸಿತು ಮತ್ತು ನಂತರ ಅದು ೧೯೯೮ರಲ್ಲಿ ಎಸ್.ಎ.ಐ.ಎಲ್. ಸೇರಿಕೊಂಡಿತು.
This article uses material from the Wikipedia ಕನ್ನಡ article ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ಕಾರ್ಖಾನೆ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.