ធនាធរ ចឹងរុងរឿងកិច្ច (ភាសាថៃ: ธนาธร จึงรุ่งเรืองกิจ ,អានថា: ថាណាថន ជឹងរុងរឿងកិច , ភាសាចិន: 庄海文 កើតថ្ងៃទី២៥ ខែវិច្ឆិកា ឆ្នាំ១៩៧៨) អ្នកនយោបាយថៃ ដែលបានធ្វើជាប្រធានគណបក្សអនាគតឆ្ពោះទៅមុខ ឬ គណបក្សអនាគតថ្មី រហូតដល់គណបក្សនេះត្រូវបានរំលាយនៅឆ្នាំ២០២០។ ពីឆ្នាំ២០០២ ដល់ដើមឆ្នាំំំំ២០១៨ លោកគឺជាអនុប្រធានក្រុមហ៊ុនស័មមីតថៃ (Thai Summit Group) ដែលជាក្រុមហ៊ុនផលិតគ្រឿងបន្លាស់រថយន្តដ៏ធំបំផុតរបស់ប្រទេសថៃ។
លោកបានបង្កើតគណបក្សអនាគតឆ្ពោះទៅមុខក្នុងខែមីនា ឆ្នាំ២០១៨។ លោកត្រូវបានជ្រើសរើសជាឯកច្ឆ័ន្ទជាមេដឹកនាំគណបក្សក្នុងអំឡុងពេលកិច្ចប្រជុំជាសាធារណៈលើកដំបូងនៅក្នុងខែឧសភា ឆ្នាំ២០១៨។ លោកកើតនិងធំធាត់នៅទីក្រុងបាងកកក្នុងគ្រួសារចិន-ថៃ ម្តាយរបស់លោកគឺជាប្រធាន និងជានាយកប្រតិបត្តិនៃក្រុមហ៊ុនស័មមីត។ លោកពូរបស់លោកគឺ សុរិយា ចឹងរុងរឿងកិច្ច គឺជាអ្នកនយោបាយដែលបានបម្រើការជារដ្ឋមន្ត្រីក្រសួងដឹកជញ្ជូននៃប្រទេសថៃចន្លោះឆ្នាំ២០០២ និង ២០០៥។ លោកពូរបស់លោកគឺជាមេដឹកនាំម្នាក់នៃគណបក្សខ្លាំងប្រជារាស្ដ្រ ឬ ផ្លាំងប្រាឆារ៉ាត់ ដែលជាគណបក្សគាំទ្ររបបយោធាដ៏លេចធ្លោបំផុត និងជាគណបក្សសំខាន់នៅក្នុងសម្ព័ន្ធរដ្ឋាភិបាលបច្ចុប្បន្ន។
This article uses material from the Wikipedia ភាសាខ្មែរ article ធនាធរ ចឹងរុងរឿងកិច្ច, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.