قاتل وہیل یا اورکا ڈالفن ٹبر دا سب توں وڈا جانور اے۔ ایہ ہر وڈے سمندر چ ہوندی اے۔ کلر وہیل سمندر دی سب توں وڈی تے سیانی شکاری اے۔ زبردست تے موقعے توں فائدا چکن آلے شکاری نیں۔ کج کلر وہیلاں چھوٹیاں مچھیاں کھاندیاں نیں تے کج سمندری شیر، والرس، شارکاں تے وڈیاں وہیلاں نوں وی کھا جاندیاں نیں۔ ایہ ٹبر وچ کمدیاں پھردیاں نیں۔
اورکا | |
دیس : | جنور |
برادری: | کورڈیٹ |
ٹولی: | ددپلانے |
پتی: | سیٹیشیا |
ٹبر: | سمندری ڈولفن |
سائینسی ناں: | Orcinus orca |
دنیا تے پھرن تھاں نیلے رنگ وچ |
اورکا ڈولفناں دے ٹبر دی سب توں وڈی ڈولفن اے جیہڑی 9.8 میٹر تک لمی ہوسکدی اے۔ ماداواں 8.5 میٹر تک جاندیاں نیں تے نراں دا مدرا ناپ 8.2 میٹر تے ماداواں دا مدرا ناپ 7 میٹر تک جاندا اے۔ سب توں چوکھے جوکھ والی ڈولفن 6.6 ٹن دی سی تے 7.65 میٹر لمی سی۔ ایہدی اچیچی گل ایہدا 1.8 میٹر اچا تکونا مگر پر اے۔ ماداواں دا ایہ پر 1 میٹر توں تھلے ای ریندا اے۔ پیڈل ورگے پاسہ پر نراں وچ 2 میٹر دے ماداواں وج ڈیڑھ میٹر لمے ہوندے نیں۔ مگر پوچھل 2.8 میٹر چوڑی ہوندی اے۔ سآ لینوالا مگورا 1-2 میٹر اچا تے اتے لگا ہوندا تے عام نہیں دسدا۔
اورکا دی اچیچی گل ایہدا کالا چٹا رنگ اے۔ ایہ کالی اے پر ایہدا ٹڈ تے اکھاں پچھے تھوڑا تھوڑا انگ چٹا ہوندا اے۔
اورکا سارے سمندراں تے وڈے سمندراں وچ ملدی اے۔
وکیمیڈیا کامنز چ مورتاں: اورکا |
This article uses material from the Wikipedia شاہ مکھی پنجابی (Shāhmukhī Pañjābī) article اورکا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.