Микронуклеус
Микронуклеус (микро және грек.
nucleus – ядро) – инфузориялардың жынысты көбеюге қатысатын (генеративті) ұсақ ядросы. Инфузорияның кей түрлерінде бірнеше немесе өте көп (100-ге жуық) Микронуклеус болады. Микронуклеустерде жынысты көбеюдің алдында ДНҚ-ның екі еселенуі жүзеге асады. Сондай-ақ Микронуклеус мейоз жолымен бөлініп, төрт гаплоидты ядро түзіледі де, оның үшеуі жойылады. Ал қалған бір ядро митоз жолымен екіге бөлінеді. Оның біреуі бастапқы клетканың ішінде қалып қояды, оны стационарлы ядро деп атайды. Ал екінші ядро (орын ауыстырушы ядро) жанасып тұрған келесі дарабастың клеткасына өтеді де, ондағы стационарлы ядромен қосылып, ядросы диплоидты синкарионға (жыныс процесі – коньюгация нәтижесінде инфузорияда түзілетін ядро) айналады. Микронуклеусте РНҚ түзілмейді, ядрошық болмайды, онда тығыз орналасқан хроматиндер бар. Инфузория жынысты көбеймей тұрғанда Микронуклеус белсенділік көрсетпейді. Микронуклеус жойылатын болса, клетканың тіршілігі де тоқтайды.
Сілтемелер
Дереккөздер
| Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
This article uses material from the Wikipedia Қазақша article Микронуклеус, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.