Luvr (Louvre) — jáhándegı eń iri muzeylerden biri.
Parijdegi ataqlı arxitekturalıq estelik — burınǵı korollıq rezidenciyası binasında jaylasqan. 1791-jılda Revolyuciyalıq Konvent dekreti menen milliy kórkem-muzey retinde tiykar salınǵan hám 1793-jıl 8-noyabrden kópshilik ushın ashılǵan. Luvr fondın burınǵı korollıq kompleksi, sonıń menen birge, monastir, shirkew hám aqsúyek shańaraqlardıń mal-múlkin tartıp alıģnan jıynaqları quradı. Napoleon júrislerinde qolǵa kiritilgen, túrli mámleketlerden satıp alınǵan, kóplegen sawģa etilgen kórkem-óner dóretpeleri menen bayip bardı. Muzey 6 bólimnen ibarat: suwretleytuǵın hám ámeliy kórkem-óner, musinshilik (orta ásirler, Oyanıw dáwiri, keyingi dáwir), Grek hám Rim estelikleri, Ayyemgi Shıǵıs estelikleri, Ayyemgi Egipet estelikleri. Bular arasında Shıǵıs estelikleri dúnya boyınsha zárúrli áhmiyetke iye; fransuz kórkem-óneri (ásirese, kartinalar galereyası ) júdá jetilisken. Luvrda jáhánge ataqlı (Mikelanjelo, Leonardo da vinchi, Rafael, Titsian, Rembrandt, Rubens hám basqalar ) kemde-kem ushraytuǵın kórkem-óner dóretpeleri toplanǵan. Muzey ekspozitsiyasi xronologik tártipte hám milliy mektepler formasında, sawģa etilgen iri jeke toplamlar bólek jaylastırılǵan. Lurv muzeyi Parijdıń tariyxıy bólegindegi tiykarǵı arxitekturalıq estelik bolıp, 13-ásir bası — 14-ásirlerde eski saray ornına qurılǵan. 1546—74 jıllarda arxitektor P. Lesko renessans usılında saray qurǵan, músinshilik bezewlerin J. Gujon islegen. Bınanı keńeytiw hám qayta qurıw (J. Lemersye, 1624-jıldan; L. Levo, 1661—64; K. Perro, 1667—74; L. viskonti hám E. Lefyuel, " Jańa L. ", keyinirek Kartinalar galereyası ) 20 -ásirdiń aqırlarınasha dawam etdi.
Dáslepki márte muzey qapıları kópshilik ushın Fransuz Revolutsiyasi dáwirinde 1793-jılı 8-noyabrde ashılǵan. Onıń mińlaǵan kartina hám músinshilik úlgileri ishinde Gioconda (Mona Lisa),Milosslik venera,Samofrakiyalik Nika sıyaqlı ataqlı dóretpeler,Rembrandt,Tizian hám Leonardo de vinci kartinaları bar. 1989-jılı saray ortasına I. M. Pei jaratqan shisha piramida qosıladı.
Luvr úsh tiykarǵı galereyadan ibarat — Syulli, Rishelyo hám Denon.
Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |
This article uses material from the Wikipedia Qaraqalpaqsha article Luvr muzeyi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.