ქვედის ტბა
ქვედის ტბა — შეგუბებული ტბა საქართველოში, ონის მუნიციპალიტეტში.
მდებარეობს მდინარე ქვედრულის ხეობაში, ზღვის დონიდან 1567 მ სიმაღლეზე. ქვედის ტბას ერთვის და შემდეგ გამოედინება მდინარე ჯეჯორის მარჯვენა შენაკადი — ქვედრულა. ზედაპირის ფართობი 0,09 კმ², საშუალო სიღრმე 8,2 მ, მაქსიმალური სიღრმე 14,5 მ. წყლის მოცულობა 710 000 მ³. წყალშემკრები აუზის ფართობი 12 კმ². გამდინარეა. აუზის რელიეფი მაღალმთიანი და საშუალომთიანია. მდინარე ქვედრულის სათავეებში გვხვდება ძველი გამყინვარების კვალი. ტბის ქვაბული გადაჭიმულია დასავლეთიდან აღმოსავლეთისაკენ. სანაპირო ხაზი სუსტად არის შეჭრილ-შემოჭრილი. სამხრეთ სანაპიროსთან არის ორი მცირე ყურე. აღმოსავლეთ ნაწილში ფსკერის გრუნტი ქვიშიანია, ხოლო დასავლეთ ნაწილში ლამიანი. საზრდოობს თოვლის, წვიმისა და მიწისქვეშა წყლით. წყლის დონე მინიმალურია ზამთრაში, მაქსიმალური — ივნისში. წყალი მტკნარია. გარშემო წიწვოვანი და შერეული ტყეა. ტბა გაჩნდა 1896 წელს კლდებოძალის მთის ჩამონგრევის შედეგად. ტბაში არის კალმახი.
| ქვედის ტბა | |
|---|---|
| კოორდინატები: 42°33′25″ ჩ. გ. 43°38′13″ ა. გ. / 42.5569639° ჩ. გ. 43.6369528° ა. გ. | |
| მდებარეობა |  საქართველო |
| ტერიტორიული ერთეული | ონის მუნიციპალიტეტი (რაჭა-ლეჩხუმისა და ქვემო სვანეთის მხარე) |
| სიმაღლე ზღვის დონიდან | 1567 მ |
| ფართობი | 0,09 კმ² |
| მოცულობა | 0,00071 კმ³ |
| საშუალო სიღრმე | 8,2 მ |
| მაქსიმალური სიღრმე | 14,5 მ |
| აუზის ფართობი | 12 კმ² |
  | |
 | |
სქოლიო
This article uses material from the Wikipedia ქართული article ქვედის ტბა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.