ტილები
ტილები (ლათ.
ადამიანისა და ძუძუმწოვრების პარაზიტებია. აქვთ უფრთო, გაბრტყელებული, ოვალური სხეული, რომლის სიგრძე 1-5 მმ აღწევს, პატარა თავი და მკერდი, მოკლე ულვაშები, შედარებით დიდი მუცელი. ფეხები ბრჭყალებით (სუბსტრატზე მისამაგრებლად) მთავრდება. პირის ორგანოები მჩხვლეტავ-საწუწნია. ჩხვლეტის დროს ნერწყვი ჩადის ჭრილობაში და იწვევს მსხვერპლის კანის გაღიზიანებას. დედალი ტილები გამოყოფენ მწებავ მასას, რომლის საშუალებითაც მათი კვერცხები თმას ეწებება. კვერცხიდან გამოჩეკილი მატლი ზრდასრული ფორმისაგან მცირე ზომით განსხვავდება. მთელ სასიცოცხლო ციკლს ტილები ატარებს მასპინძელზე. ადამიანის პარაზიტებია ადამიანის ტილები და ბოქვენის ტილები, დანარჩენები კი ძუძუმწოვრების პარაზიტებია.
| ტილები | ||||||||||
|---|---|---|---|---|---|---|---|---|---|---|
 ადამიანის ტილი | ||||||||||
| მეცნიერული კლასიფიკაცია | ||||||||||
| ||||||||||
| ლათინური სახელი | ||||||||||
| Anoplura Siphunculata | ||||||||||
| ||||||||||
ცნობილია ადამიანის ტილების (ლათ. Pediculus humanus) 2 ფორმა: Pediculus humanus capitis ძირითადად ბინადრობს თმაში, Pediculus humanus vestimenti კი — ტანსაცმელში. ადამიანის ტილები დღე-ღამის განმავლობაში 2-3-ჯერ წოვს სისხლს. ტილებს გადააქვთ ინფექციური დაავადებები (მუცლის ტიფი, ციება და სხვა).
ლიტერატურა
- ქართული საბჭოთა ენციკლოპედია, ტ. 9, თბ., 1985. — გვ. 717.
This article uses material from the Wikipedia ქართული article ტილები, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.