მხიარული რომანი

სცენარი ფილმისთვის დაწერეს ოთარ რაზმაძემ, ანზორ სალუქვაძემ და ლევან ხოტივარმა. ფილმის კომპოზიტორია გიორგი ცაბაძე. მთავარ როლებში მონაწილეობენ: იპოლიტე ხვიჩია, ხათუნა კოტრიკაძე და რამაზ გიორგობიანი. ფილმის პრემიერა საქართველოში გაიმართა 1972 წლის 1 სექტემბერს, ხოლო მოსკოვში 1974 წლის 2 იანვარს.

„მხიარული რომანი“
ჟანრი	კომედია
დამდგმელი რეჟისორი	ლევან ხოტივარი
სცენარის ავტორი	ოთარ რაზმაძე ანზორ სალუქვაძე ლევან ხოტივარი
როლებში	იპოლიტე ხვიჩია ხათუნა კოტრიკაძე რამაზ გიორგობიანი
კომპოზიტორი	გიორგი ცაბაძე
ხმის ოპერატორი	რაფიელ კეზელი
ოპერატორი	დუდარ მარგიევი
მონტაჟი	ლარისა დიღმელოვა ეთერ თავაძე
სტუდია	ქართული ფილმი
გამოსვლის თარიღი	1972 წ.
ხანგრძლივობა	70 წთ.
ქვეყანა	საქართველოს სსრ
ენა	ქართული

ფილმის სიუჟეტი შემდეგნაირად ვითარდება. დათოს ინკასატორ იპოლიტეს ქალიშვილი ეკა უყვარს. იპოლიტეს ყველგან თავდამსხმელები ელანდება, გაუგებრობის გამო დათოც ავაზაკი ჰგონია, სადაც დაინახავს, მის შეპყრობას და მილიციისთვის გადაცემას ცდილობს. იპოლიტეს წყალობით უსიამოვნებაში არაერთგზის მოხვედრილი დათო და ეკა იპოლიტეს დაუკითხავად დაქორწინდებიან. დათოს სიძედ ხილვა იპოლიტეს წყობიდან გამოიყვანს, მაგრამ მალე ყველაფერი გაირკვევა და ბედნიერი წყვილი საქორწინო მოგზაურობაში გაემგზავრება.

• „მხიარული რომანი“ — კინოფილმების ინტერნეტ-მონაცემთა ბაზა (ინგლისური)
• „მხიარული რომანი“ [დაარქივებული] — ეროვნული ფილმოგრაფია