მალმეს უნივერსიტეტი

შვედეთის უნივერსიტეტებს შორის მალმიოს უკავია სიდიდით მეცხრე ადგილი. მალმეს უნივერსიტეტში სწავლობს 24,000 სტუდენტზე მეტი და მუშაობს 1,600 თანამშრომელი. მალმეს სტუდენტების მესამედი არის საერთაშორისო სტუდენტი და მას 240-ზე მეტ უნივერსიტეტთან აქვს გაფორმებული საპარტნიორო ხელშეკრულებები. მალმეს წამყვან აკადემიურ დისციპლინებად ითვლება საერთაშორისო ურთიერთობები, მიგრაცია, პოლიტიკური მეცნიერებები, მდგრადი განვითარება, ურბანისტიკა, ასევე მედია და ტექნოლოგიები.

მალმეს უნივერსიტეტი
Malmö universitet
დევიზი	სადაც მრავალფეროვნება ქმნის ცვლილებას
დევიზი შვედურ ენაზე	Där mångfald gör skillnad
დაფუძნდა	1998 / 2018
ტიპი	საჯარო
თანამშრომელი	1,602 ჯამში (2012)
რექტორი	Kerstin Tham
სტუდენტი	12,583 (სრულ განაკვეთზე, 2012) 450 დოქტორანტი (2011)
მისამართი	Nordenskiöldsgatan 1, 211 19 Malmö[3]
მდებარეობა	მალმე[3] და Universitetsholmen
ქალაქი	მალმე
პროვინცია	სკონეს პროვინცია
ქვეყანა	შვედეთი
ტელეფონი	+46-40-665-70-00[3]
კავშირები	Confederation of Open Access Repositories[4] , ევროპის უნივერსიტეტების ასოციაცია[5] და Coalition for Advancing Research Assessment[6]
malmouniversity.se

უნივერსიტეტმა ითამაშა წამყვანი როლი მალმეს გარდქამნაში ინდუსტრიული ცენტრიდან შვედეთის აკადემიურ ცენტრად. კამპუსის დიდი ნაწილი აშენდა გაუქმებული დოკის ადგილზე.

1998 წელს უმაღლეს სკოლად დაფუძნებული, მალმე გახდა სრულფასოვანი უნივერსიტეტი 2018 წლის 1 იანვარს შვედეთის განათლების სამინისტროს გადაწყვეტილებით.

მალმეს უნივერსიტეტი არის შვედეთის კავკასიოლოგიის ცენტრი. ყოველწლიურად მალმეში ტარდება შვედეთის ინსტიტუტის საზაფხულო კურსები ახალგაზრდა პროფსიონალებისთვის ბალტიისპირეთისა და აღმოსავლეთ ევროპის ქვეყნებისთვის.

უნივერსიტეტი აქტიურად არის ჩართული აღმოსავლეთის პარტნიორობისა და დასავლეთ ბალკანეთის ქვეყნების დემოკრატიზაციის პროცესი. 2021 წელს, ევროპულ-ქართულ ინსტიტუტთან ერთად უნივერსიტეტმა დაიწყო საქართველოში სოციალური აუდიტის მეთოდიკის დანერგვა.