საკმარის შენაკადი დიდი იქი
დიდი იქი (რუს.
მდინარე საკმარის მარჯვენა შენაკადი. სიგრძე 341 კმ, აუზის ფართობი 7 670 კმ². საერთო ვარდნა დაახლოებით 545 მ. მდინარის ხეობის ფერდობები ზილაირის პლატოს ფარგლებში ძირითადად ციცაბო და კლდოვანია, ძლიერ შეჭრილ-შემოჭრილი. სათავე აქვს ზილაირის პლატოს რაიონში. ძირითადად იკვებება თოვლის წყლით. წყლის საშუალო ხარჯი შესართავში 61 მ³/წმ. აუზის რელიეფი ძლიერ არის დანაწევრებული ეროზიული ქსელით, — ღრმა ხეობებითა და ხევებით. აუზის აღმოსავლეთი ნაწილი მოქცეულია ზილაირის პლატოს ფარგლებში, რომელიც დევონური და კარბონული ასაკის ალევრიტებისა და კირქვების შუაშრეებთან ერთად აგებულია ქვიშაქვებითა და თიხოვანი ფიქლებით. დასავლეთი ნაწილი ვაკეა, აგებულია პერმული ასაკის ქვიშაქვებით, კირქვებით, მერგელებით, დოლომიტებითა და ალევრიტებით. სოფელ ისიანგულოვოს მიდამოებში გავრცელებულია კარსტული ფორმები: ძაბრები, მიწისქვეშა ტბები, მღვიმეები და სხვა. მდინარე ზემო დინებაში წარმოქმნის ხეობას, ხოლო ქვემოთში ჭალის ტბებს. მარჯვნიდან ერთვის მდინარე პატარა იქი, ხოლო მარცხნიდან ინიაქი, დიდი სურენი.
| დიდი იქი | |
|---|---|
 დიდი იქი | |
| ქვეყანა |  რუსეთი ბაშკირეთი |
| სათავე | ზილაირის პლატო 52°41′08″ ჩ. გ. 57°33′55″ ა. გ. / 52.68556° ჩ. გ. 57.56528° ა. გ. |
| შესართავი | საკმარა 51°49′24″ ჩ. გ. 56°23′22″ ა. გ. / 51.82333° ჩ. გ. 56.38944° ა. გ. |
| სიგრძე | 341 კმ |
| აუზის ფართობი | 7 670 კმ² |
| მდინარის სისტემა | საკმარა → ურალი → კასპიის ზღვა |
| წყლის ხარჯი (საშ.) | 61 მ³/წმ |
    — სათავე,  — შესართავი | |
 დიდი იქი ვიკისაწყობში | |
რესურსები ინტერნეტში
- დიდი იქი — სტატია დიდი რუსული ენციკლოპედიიდან (რუსული)
- დიდი იქი — ბაშკირეთის ენციკლოპედია დაარქივებული 2016-04-06 საიტზე Wayback Machine. (რუსული)
This article uses material from the Wikipedia ქართული article დიდი იქი (საკმარის შენაკადი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.