The Yardbirds
The Yardbirds — ინგლისური როკ-ჯგუფი, ჩამოყალიბებული 1963 წელს.
1960-იანებში მას ჰქონდა მთელი რიგი ჰიტების, მათ შორის - „For Your Love“, „Heart Full of Soul“, „Shapes of Things“ და „Over Under Sideways Down“. ჯგუფში დაიწყო გიტარისტების, ერიკ კლეპტონის, ჯიმი პეიჯის და ჯეფ ბეკის კარიერა - ყოველი მათგანი შემდგომში Rolling Stone-ის ყველა დროის 100 უდიდესი გიტარისტის სიაში მოხვდა.
| The Yardbirds | |
|---|---|
 The Yardbirds, 1966. მარცხნიდან: ჯეფ ბეკი, ჯიმი პეიჯი, კრის დრეია, კით რელფი და ჯიმ მაკ-კარტი. | |
| ბიოგრაფია | |
| წარმოშობა | ლონდონი, ინგლისი |
| ჟანრ(ებ)ი |
|
| აქტიური |
|
| ლეიბლ(ებ)ი | |
| წევრები |
|
| ყოფილი წევრები | იხილეთ წევრების სრული სია |
| საიტი | theyardbirds.com |
| The Yardbirds ვიკისაწყობში | |
ჯგუფი, რომელიც ცნობილი იყო ინსტრუმენტული შუალედური იმპროვიზაციებით, შემდგომში ასრულებდა კომპოზიციებს პოპ-მუსიკის, ფსიქოდელიური და მძიმე როკის ელემენტებით. მან გავლენა იქონია 1960-იანებში ჩამოყალიბებულ ტრადიციებზე, რომლებიც უკავშირდება ელექტროგიტარის ჟღერადობას. ჯგუფის საავტორო კომპოზიციების დიდი ნაწილის ავტორები იყვნენ ვოკალისტი კით რელფი, დრამერი ჯიმ მაკ-კარტი და ბასისტი და პროდიუსერი პოლ სემუელ-სმითი. ისინი, რიტმულ გიტარისტ და ბასისტ კრის დრეიასთან ერთად, შეადგენდნენ ჯგუფის ძირითად ნაწილს.
ჯგუფის გავლენა დროთა განმავლობაში გაიზარდა. მათ იქონიეს გავლენა ისეთ კოლექტივებზე, როგორიც არიან Count Five და The Shadows of Knight. როკის კრიტიკოსები და ისტორიკოსები თვლიან, რომ The Yardbirds-მა, თუ არ შექმნა, სულ მცირე, წვლილი შეიტანა „ფსიქოდელიური მუსიკის დაბადებაში“, საფუძველი ჩაუყარა პანკ-როკის, პროგრესული როკის და მძიმე მეტალის, ისევე, როგორც სხვა ჟანრების ადრეულ ფორმებს.
1968 წელს ჯგუფი დაიშალა. ჯიმი პეიჯი, წამყვანი გიტარისტი, ლედ ზეპელინის წევრი გახდა, რელფის და მაკ-კარტის მიერ ჩამოყალიბდა სიმფონიური როკ-ჯგუფი Renaissance. The Yardbirds 1990-იანებში აღდგა, მაკ-კარტის, დრეიას და სხვა ახალი წევრების მონაწილეობით. ისინი 1992 წელს გახდნენ როკ-ენ-როლის დიდების დარბაზის წევრები. Rolling Stone-მა კოლექტივი შეიყვანა „ყველა დროის 100 უდიდესი შემსრულებლის“ სიაში და VH1-ის „მძიმე როკის 100 უდიდესი შემსრულებლის“ სიაში #37 ადგილს იკავებდა.
დისკოგრაფია
მთავარი სტატია: The Yardbirds-ის დისკოგრაფია.- Five Live Yardbirds (1964)
- For Your Love (1965)
- Having a Rave Up with The Yardbirds (1965)
- Roger the Engineer (1966)
- Little Games (1967)
- Birdland (2003)
რესურსები ინტერნეტში
შეგიძლიათ იხილოთ მედიაფაილები თემაზე „The Yardbirds“ ვიკისაწყობში.- ოფიციალური საიტი
- The Yardbirds როკ-ენ-როლის დიდების დარბაზში
სქოლიო
This article uses material from the Wikipedia ქართული article The Yardbirds, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.