Opeth — შვედური პროგრესული მეტალ-ჯგუფი სტოკჰოლმიდან, რომელიც 1990 წელს ჩამოყალიბდა.
მიუხედავად იმისა, რომ ჯგუფმა განიცადა არაერთი ცვლილება შემადგენლობაში, ვოკალისტი, გიტარისტი და სიმღერების ავტორი მიკაელ ოკერფელდტი ჯგუფის მთავარ მამოძრავებელ ძალად რჩებოდა წლების განმავლობაში. ჯგუფის სტილი მათთვის ჩვეულებრივ გრძელ კომპოზიციებში აერთიანებს ელემენტებს პროგრესული მეტალიდან, ჯაზიდან, ბლუზიდან, კლასიკური და ხალხური მუსიკიდან. ბლეკ და დეზ-მეტალის გავლენა განსაკუთრებით შესამჩნევია მათი შემოქმედების ადრეულ პერიოდში. მრავალი მათი სიმღერა შეიცავს აკუსტიკური გიტარის პარტიებს და ძლიერ დინამიკურ გადასვლებს, ვოკალს გროულინგითა და სუფთა ვოკალს. ჯგუფი იშვიათად მართავდა კონცერტებს პირველი ოთხი ალბომის მხარდასაჭერად, თუმცა დაწყებული მათი პირველი მსოფლიო ტურნედან, რომელიც მოაწყვეს 2001 წლის ალბომის Blackwater Park გამოსვლის შემდეგ, მათ რამდენიმე მსხვილი მსოფლიო ტურნე გახსნეს.
Opeth | |
---|---|
Opeth 2016 წელს ტილბურგში. | |
ბიოგრაფია | |
წარმოშობა | სტოკჰოლმი, შვედეთი |
ჟანრ(ებ)ი | ტექნიკური დეზ-მეტალი, პროგრესული მეტალი, პროგრესული როკი |
აქტიური | 1989-დან დღემდე |
ლეიბლ(ებ)ი | Moderbolaget, Nuclear Blast, Candlelight, Century Black, Peaceville, Music for Nations, Koch, Roadrunner |
წევრები | მიკაელ ოკერფელდტი მარტინ მენდეზი მარტინ აქსენროტი ფრედრიკ ოკესონი იუაკიმ სვალბერგი |
საიტი | opeth.com |
Opeth ვიკისაწყობში |
ჯგუფმა გამოუშვა ათი სტუდიური ალბომი, სამი საკონცერტო DVD, სამი საკონცერტო ალბომი (მათგან ორი DVD-ზეც) და ორი სასაჩუქრე ყუთი. სადებიუტო ალბომი Orchid 1995 წელს გამოუშვეს. მიუხედავად იმისა, რომ მათი მერვე სტუდიური ალბომი, Ghost Reveries, საკმაოდ პოპულარული იყო აშშ-ში, კომერციულ წარმატებას ჯგუფმა მხოლოდ 2008 წლის რიგით მეცხრე სტუდიური ალბომის, Watershed, გამოშვების შემდეგ მიაღწია, რომელმაც დაიკავა ოცდამესამე ადგილი ბილბორდ 200-ში და ფინური ჩარტების სათავეებში მოექცა გამოშვებიდან პირველსავე კვირას.
This article uses material from the Wikipedia ქართული article Opeth, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.