Marriott International, Inc.
მისი სათაო ოფისია ბეთესდაში, მერილენდი . კომპანია დააარსეს ჯ.ვილარდ მარიოტმა და მისმა მეუღლემ ელის მარიოტმა; კომპანიის აღმასრულებელი თავმჯდომარე არის მათი ვაჟი, ბილ მარიოტი, მერიოტის ოჯახი კი კომპანიის უმრავლესობას ფლობს. არსებული ნომრების რაოდენობით, მერიოტი არის ყველაზე დიდი სასტუმროების ქსელი მსოფლიოში . მას აქვს 30 ბრენდი 7,642 ქონებით, რომელიც მოიცავს 1,423,044 ოთახს 131 ქვეყანაში და ტერიტორიაზე. ამ 7642 ქონებიდან 2,149 -ს მართავს მარიოტი, ხოლო 5,493 -ს, ფრენჩაიზის ხელშეკრულებების შესაბამისად სხვა კომპანიები მართავენ.
Marriott International-ის ახალი სათავო ოფისი. ბეთეზდა, მერილენდი | |
ტიპი | საჯარო კომპანია |
---|---|
იყიდება როგორც | |
დარგი | სტუმარმასპიინძლობა |
წინამორბედი | Marriott Corporation |
დაფუძნდა | 5 მარტი, 1927 ვაშინგტონი, ა.შ.შ. |
დამაარსებელი | ჯ. ვილარ მერიოტი ელის მერიოტი |
სათავო ოფისი | ბეთეზდა, მერილენდი, ა.შ.შ. |
მოცული ტერიტორია | მსოფლიო |
მმართველი | ბილ მერიოტი, აღმასრულებელი თავმჯდომარე ენტონი კაპუანო, CEO სტეფანი ლინარცი, პრეზიდენტი ქეთლინ ქეი ობერგი, CFO |
პროდუქცია | სასტუმროები და კურორტები |
ბრენდები |
|
შემოსავალი | $10.571 მილიარდი (2020) |
სუფთა მოგება | -$267 million (2020) |
მფლობელი | მერიოტების ოჯახი (88%) |
თანამშრომელი | 121,000 (2020) |
საიტი | marriott.com |
Marriott International, Inc. ჩამოყალიბდა 1993 წელს, როდესაც Marriott Corporation დაიყო ორ კომპანიად: Marriott International, Inc., რომელიც ფრენჩაიზებს და მართავს ქონებას და Host Marriott Corporation (ახლანდელი Host Hotels & Resorts ), რომელიც ფლობს საკუთრებას.
მარიოტის კორპორაცია დაარსდა ჯონ უილარდ მარიოტის მიერ 1927 წელს, როდესაც მან და მისმა მეუღლემ, ელის მარიოტმა გახსნეს ლუდის დახლი ვაშინგტონში. მოგვიანებით მერიოტებმა თავიანთი კომპანია გააფართოვეს რესტორნების ქსელ Hot Shoppes-ად. 1953 წელს Hot Shoppes, Inc გახდა საჯარო კომპანია აქციების პირველადი განთავსების საშუალებით .
კომპანიამ თავისი პირველი სასტუმრო Twin Bridges Motor Hotel 1957 წლის 16 იანვარს არლინგტონში, ვირჯინიაშიგახსნა. ამ სასტუმროში ღამის გატარება $9 ღირდა, დამატებით $ 1 თითოეული ადამიანისთვის, ვინც მანქანაში იმყოფებოდა. კომპანიის მეორე სასტუმრო, Key Bridge Marriott 1959 წელს, როსლინში, არლინგტონში, ვირჯინიაში გაიხსნა. ის დღემდე ფუნქციონირებს და კომპანიის ყველაზე დიდხანს, უწყვეტად მოქმედ სასტუმროს წარმოადგენს.
1967 წელს Hot Shoppes, Inc.– ს ეწოდა Marriott Corporation
Marriott International, Inc. ჩამოყალიბდა 1993 წელს, როდესაც Marriott Corporation გაიყო ორ კომპანიად: Marriott International, Inc., რომელიც ფრენჩაიზებს და მართავს ქონებას და Host Marriott Corporation (ახლანდელი Host Hotels & Resorts ), რომელიც ფლობს საკუთრებას.
1995 წელს მარიოტი იყო პირველი სასტუმროების კომპანია, რომელმაც კლიენტებს ონლაინ დაჯავშნა შესთავაზა.
1995 წლის აპრილში მარიოტმა შეიძინა 49% პროცენტი The Ritz-Carlton Hotel Company– ში . მარიოტს მიაჩნდა, რომ მას შეეძლო გაეზარდა გაყიდვები და მოგება იმ დროისთვის გაკოტრების პირას მყოფი The Ritz-Carlton-ისთვის, რომელიც მრავალ სასტუმროს ფლობდა. ეს გარიგება მარიოტს $ 200 მილიონი დაუჯდა.(პლიუს მოსალოდნი ვალი). მომდევნო წელს მერიოტმა $331 დოლარი დახარჯა The Ritz-Carlton-ის ბრენდის კიდევ რამდენიმე სასტუმროს გამოსყიდვაში. უკვე 1998 წელს მარიოტმა Ritz-Carlton– ის უმრავლესობის მფლობელი იყო.
1997 წელს კომპანიამ, Chow Tai Fook Group– ისა და მასთან ასოცირებული კომპანიის, New World Development– ისგან ბრენდები— Renaissance Hotels და Ramada შეიძინა. Marriott International– მა ასევე ხელი მოაწერა შეთანხმებას New World Development– ის კუთვნილი სასტუმროების მართვის შესახებ.
2001 წელს, მარიოტის მსოფლიო სავაჭრო ცენტრი 11 სექტემბრის თავდასხმების დროს განადგურდა .
2004 წელს კომპანიამ 1997 წელს შეძენილი ბრენდი Ramada Cendant–ს მიჰყიდა.
2006 წლის 19 ივლისს, მარიოტმა გამოაცხადა რომ, 2006 წლის სექტემბრიდან მოწევას კრძალავდა შეერთებულ შტატებსა და კანადაში არსებულ, მის მმართველობაში მყოფ ყველა სასტუმროში.
2007 წელს, მერიოტი გახდა პირველი სასტუმროს ქსელი, რომელიც ჩრდილოეთ ამერიკის ყველა სასტუმროში კლიენტებს ტრანს ცხიმებისგან თავისუფალ საკვებს სთავაზობდა.
2010 წლის 11 ნოემბერს, მერიოტმა გამოაცხადა გეგმა, რისი მიხედვითაც აპირებდა 2015 წლამდე ინდოეთში, ჩინეთსა და სამხრეთ-აღმოსავლეთ აზიაში 600-ზე მეტი სასტუმროს გახსნას.
2012 წლის 31 მარტიდან, ბილ მარიოტი კომპანიის აღმასრულებელი თავმჯდომარის თანამდებობას იკავებს. უფროსი აღმასრულებელი ოფიცერის (CEO)თნამდებობა კი მან არნე სორენსონს.
2012 წლის დეკემბერში გინესის რეკორდებმა ხუთვარსკვლავიანი სასტუმრო JW Marriott Marquis Dubai მსოფლიოში ყველაზე მაღალ სასტუმროდ აღიარეს.
2015 წლის 1 აპრილს მარიოტმა შეიძინა კანადური სასტუმროების ქსელი Delta Hotels, რომელიც იმ დროს 38 სასტუმროს მართავდა.
2015 წლის 16 ნოემბერს მარიოტმა $13 მილიარდადStarwood– ის შეძენა გამოაცხადა. 2016 წლის 3 მარტს ჩინური Anbang Insurance Group-ის მიერ ჩამოყალიბებულმა კონსორციუმმა განაცხადა რომ Starwood– ში $14 მილიარდს გადაიხდიდა. მას შემდეგ რაც მარიოტმა შესყიდვის ღირებულება $13.6 მილიარდამდე გაზარდა, სტარვუდმა შეწყვიტა ანბანგის შეთანხმება და გააგრძელა მარიოტთან შერწყმა. მარეგულირებელი ნებართვების მიღების შემდეგ, 2016 წლის 23 სექტემბერს მარიოტმა დაასრულა Starwood– თან შერწყმა და შექმნა მსოფლიოში უდიდესი სასტუმროების კომპანია 5700 – ზე მეტი ქონებით, 1.1მილიონზე მეტი ოთახით და 30 ბრენდის პორტფოლიოთი. Starwood– ის შეძენამ, მსოფლიო ბაზარზე Marriott–ის წარმომადგენლობა გაზარდა. Starwood– ის შემოსავლების დაახლოებით 75% არაამერიკული ბაზრებიდან მოდიოდა.
2019 წლის დეკემბერში კომპანიამ შეიძინა Elegant Hotels რომელიც ბარბადოსში 7 სასტუმროს მფლობდა.
2020 წლის აპრილში, COVID-19 პანდემიის დროს, კომპანიამ სისუფთავის დამატებითი სტანდარტები დააწესა. მათ შორის ელექტრული გამწმენდი საშუალებების გამოყენება, სასტუმროს ყველა ოთახში სადეზინფექციო ხელსახოცების დამატება და სასტუმროებში სოციალური დისტანციისთვის სივრცის დათმობა პანდემიის დროს, სასტუმროების დატვირთვა 31%-მდე შემცირდა.
2021 წლის 15 თებერვალს კომპანიის პრეზიდენტი და უფროსი აღმასრულებელი ოფიცერი (CEO), არნე სორენსონი გარდაიცვალა. 2021 წლის 23 თებერვალს, ამ თანამდებობაზე მარიოტის ჯგუფის საერთაშორისო განვითარების, დიზაინისა და ოპერაციების დეპარტამენტის პრეზიდენტი ენტონი კაპუანო დაინიშნა.
წელი | შემოსავალი მილიონი აშშ დოლარი$ | წმინდა შემოსავალი მილიონი აშშ დოლარი$ | Სულ აქტივები მილიონი აშშ დოლარი$ | თანამშრომლები |
---|---|---|---|---|
2005 წ | 11,129 | 669 | 8,530 | 143,000 |
2006 წ | 11,995 | 608 | 8,588 | 150,600 |
2007 წ | 12,990 | 696 | 8,942 | 151,000 |
2008 წ | 12 879 | 362 | 8,903 | 146,000 |
2009 წ | 10,908 | 46346 | 7,933 | 137,000 |
2010 წ | 11,691 | 458 | 8,983 | 129,000 |
2011 წ | 12,317 | 198 | 5,910 | 120,000 |
2012 წ | 11,814 | 571 | 6,342 | 127,000 |
2013 წ | 12 784 | 626 | 6,794 | 123,000 |
2014 წ | 13,796 | 753 | 6,833 | 123,500 |
2015 წ | 14,486 | 859 | 6,082 | 127,500 |
2016 წ | 15,407 | 808 | 24,140 | 226,500 |
2017 წ | 20,452 | 1,459 | 23,948 | 177,000 |
2018 წ | 20,758 | 1,907 | 23,696 | 176,000 |
2019 წ | 20,972 | 1,273 | 25,051 | 174,000 |
2020 წ | 10,571 | 7267 | 24,701 | 121,000 |
The Luxury Collection Marriott International– ის სასტუმროების ბრენდია, რომელიც მოიცავს ისეთ აღსანიშნავ სასტუმროებს როგორებიცაა:Hotel Alfonso XIII, Gritti Palace Hotel, IVY Hotel + Residences, Hotel Imperial, ITC Grand Chola, Marqués de Riscal Hotel, The Nines, Palace Hotel, San Francisco, The Park Tower Knightsbridge Hotel, Phoenician Resort, Hotel President Wilson და Royal Hawaiian Hotel . 2020 წლის 31 დეკემბრის მდგომარეობით, ბრენდის ქვეშ 118 სასტუმრო ოპერირებდა, რომელიც 23,243 ნომერს მოიცავდა.
ბრენდის სასტუმროების უმეტესობა მდებარეობს გადაკეთებულ ისტორიულ შენობებში, მათ შორის სასახლეებში ან ძველ სასტუმროებში. ბრენდი ასევე მიმართავს ცნობილ დიზაინერებს შექმნან მდიდრული სამოგზაურო აქსესუარები, რომლებიც ხელმისაწვდომია ექსკლუზიურად ბრენდის ვებსაიტზე.
ჟენევაში, The Luxury Collection-ის სასტუმრო Hotel President Wilson-ის სამეფო პენთჰაუსი (The Royal Penthouse Suite) რომელშიც ერთი ღამის გატარების ღირებულება $65 000-ია, CNN– ის მიერ, 2012 წელს შედგენილი 15 ყველაზე ძვირადღირებული სასტუმროს ოთახების სიის სათავეშია.
მარიოტი მსოფლიოს მაშტაბით 30 ბრენდს ფლობს.:
Marriott International-ის სამი ყოფილი ლოიალურობის პროგრამის: Marriott Rewards-ის, Ritz-Carlton Rewards-ის და Starwood Preferred Guest-ის შერწყმით 2019 წელს ახალი ლოიალობის პროგრამა Marriott Bonvoy შეიქმნა.
This article uses material from the Wikipedia ქართული article Marriott International, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.