Joanne — ამერიკელი პოპ-მომღერალ ლედი გაგას მეხუთე სტუდიური ალბომი.
იგი გამოიცა 2016 წლის 21 ოქტომბერს ლეიბლზე Interscope Records და არის გაგას პირველი სოლო პოპ-ალბომი 2013 წლის ARTPOP-ის შემდგომ. გაგამ ჩანაწერზე ითანამშრომლა რამდენიმე პროდიუსერთან. მათ შორის არიან მარკ რონსონი, ჯეფ ბასკერი, BloodPop, ბეკი, RedOne და სხვა. ალბომში ძირითადად შესულია სოფტ როკის და საცეკვაო პოპის სტილის სიმღერები, რითიც ხაზი ესმევა მომღერლის ვოკალურ შესაძლებლობებს, განსხვავებით წინა ალბომისგან. ლირიკული თვალსაზრისით ალბომის მთავარი თემაა ოჯახი და ცხოვრებისეული ემოციები. ჩანაწერზე დიდი ზეგავლენა იქონია გაგას გარდაცვლილმა მამიდამ ჯოან სტეფანი ჯერმანოტამ, რომლის სახელიც ჰქვია ალბომს.
კომერციული თვალსაზრისით ჩანაწერი გახდა გაგას რიგით მეოთხე ალბომი, რომელმაც დაიკავა პირველი პოზიცია ამერიკის შეერთებული შტატების ჩარტში. მან აგრეთვე პირველი პოზიცია არგენტინის, ბრაზილიის, მექსიკის, ტაილანდის, იაპონიის და კორეის ჩარტბეში. ხოლო შევიდა თხუთმეტზე მეტი ქვეყნის ტოპ ათეულში, მათ შორის დიდ ბრიტანეთში. ალბომის მხარდასაჭერად გამოიცა სამი სინგლი — „Perfect Illusion“, „Million Reasons“ და „Joanne“. პირველი სინგლი გამოიცა 2015 წლის 9 სექტემბერს და დაიკავა პირველი ადგილი ესპანეთის და საფრანგეთის ჩარტებში, ხოლო მეორე სინგლი გამოიცა იმავე წლის 8 ნოემბერს და დაიკავა ნომერ მეოთხე პოზიცია ამერიკის შეერთებული შტატების ჩარტში. 2017 წლის აგვისტოში ალბომის მხარდასაჭერად გაგამ დაიწყო მსოფლიო ტურნე Joanne World Tour, რომელიც დასრულდა 2018 წლის თებერვალში.
გრემის რიგით მე-60-ე ყოველწლიურ დაჯილდოებაზე ალბომი წარდგენილი იქნა საუკეთესო პოპ ვოკალური ალბომის ნომინაციაში.
This article uses material from the Wikipedia ქართული article Joanne (ალბომი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.