Bmw M1
BMW M1 — სარბოლო ავტომანქანა, რომელიც შემუშავებულია გერმანული საავტომობილო კომპანია BMW-ს მიერ.
M1-ს პოლ ბრაკის 1972 წლის turbo-ს ზეგავლენა ეტყობა. M1 ასევე გიუგაროს მიერ შექმნილი Lotus Espriti-სა და Delorien-ის კარგად ცნობილი ფორმების უფრო დახვეწილი ვარიანტია.
| BMW M1 | |
|---|---|
 | |
| მიმოხილვა | |
| მწარმოებელი | BMW |
| გამოშვების წელი | 1978–1981 წ. |
| დიზაინერი | ჯორჯეტო გიუგარო |
| ტრანსმისია | |
| ძრავი | 3.5 ლ, მწკრიული 6 ცილინდრი |
| სიმძლავრე | 277 ცხ/ძ |
| მაქმისალური სიჩქარე | 260 კმ/სთ |
| ზომები | |
| წონა | 1300 კგ |
BMW-ს ძალიან უნდოდა რბოლებში გერმანელი კონკურენტის Porsche-ს დამარცხება და ძარის წინა ნაწილში განლაგებული ძრავას მქონე CSi კუპეები გამოსცადა, თუმცა ეს საკმარისი არ აღმოჩნდა და ამიტომ ძარის შუა ნაწილში განლაგებულ ძრავას მქონე კუპეების შექმნა გადაწყვიტა.
ახალ ძრავას M1 ეწოდა და ის BMW motorsport-მა შექმნა. ექსტერიერის ფორმა ცნობილ იტალიელ დიზაინერ ჯორჯეტო გიუგაროს ეკუთვნის. სავალი ნაწილის შექმნა Lamborjini-ს დაევალა. სავალი ნაწილი და შუშაბოჭკო იტალიაში დამზადდა, თუმცა მანქანა გერმანიაში აიგო.
მცდელობა წარმატებული აღმოჩნდა, მაგრამ პროექტი მეტისმეტად გაიწელა და ავტომობილს რბოლებში დაშვებასთან დაკავშირებით პრობლემები შეექმნა. საბოლოოდ M1 აშშ-ს IMSA სერიაში და PRICAR-ის სერიაში გამოსცადეს. BMW M1-ის მხოლოდ 450 ეგზემპლარი აიწყო.
განსაკუთრებით აღსანიშნავია ავტომობილის უკანა ფანჯრების ჟალუზები, რაც 70-იანების ბევრ ავტომობილს ახასიათებდა. ამის გარდა, M1 არჭურვილია ექვსცილინდრიანი, 277 ცხენის ძალის და 243 ფუნტი/ფუტზე ბრუნვის მომენტის მქონე ძრავათი. M1-ს ხელის ხუთსიჩქარიანი ZF გადაცემის კოლოფი აქვს.
M1-ის ინტერიერი თანამედროვე სტანდარტებით ღარიბულად გამოიყურება, თუმცა საკმაოდ ფუნქციონალურია. ინსტრუმენტების პანელი ბრტყელია და შთამბეჭდავი ეკრანი აქვს, ხოლო სავარძლები ოდნავ ბრტყელი და კომფორტულია.
ლიტერატურა
- ჯონ ლამი, „სუპერმანქანები“, თბ., 2009
This article uses material from the Wikipedia ქართული article BMW M1, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.