ჰოლტზე — ლეო ესაკიას სადებიუტო ფილმი.
ფილმი კოლექტივიზაციას ეხება. ფილმი ტექნიკისა და კონკრეტულად ტრაქტორის იდეალიზაციაა.
„ჰოლტზე“ | |
---|---|
დამდგმელი რეჟისორი | ლეო ესაკია |
სცენარის ავტორი | ლეო ესაკია |
როლებში | პავლე მხეიძე |
ოპერატორი | ვლადისლავ პოზნანი |
მონტაჟი | ვასილ დოლენკო |
მხატვარი | ვალერიან სიდამონ-ერისთავი |
სტუდია | სახკინმრეწვი |
გამოსვლის თარიღი | 1928 |
ხანგრძლივობა | 67 წთ. |
ქვეყანა | სსრკ |
ენა | მუნჯი |
ფილმი ახლადდაარსებული კოლმეურნეობის პრობლემებს ეხება. ქალაქიდან სოფელში გაგზავნილ უცხოურ ტრაქტორ „ჰოლტზე“ სოფელში დიდი მოთხოვნაა. სოფლის ბობოლა ცდილობს ხელთ იგდოს ტრაქტორი და იგი გლეხთა ექსპლოატაციის წყაროდ აქციოს. ქალაქში საჩივლელად ჩასულ გლეხებს მოხელეთა ბიუროკრატიული აპარატი ყურადღებას არ აქცევს. საქმეში მუშათა და გლეხთა ინსპექცია ერევა,საგანგებო კომისია აუქმებს ფიქტიურ კოლმეურნეობას და სანაცვლოდ ახალს ქმნის. ამიერიდან სამეურნეო იარაღები ხალხის საკუთრება ხდება.
ფილმი საგაზეთო პუბლიკაციის საფუძველზეა გადაღებული. მასობრივ სცენებში გადაიღეს გლეხები სოფელ მუხრანიდან, იმ სოფლიდან, სადაც პირველად გამოიყენეს ტრაქტორი. მთავარი როლის შემსრულებლადაც საქართველოში პირველი ტრაქტორისტი პავლე მხეიძე შეარჩიეს.
This article uses material from the Wikipedia ქართული article ჰოლტზე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.