პაოაის ეკლესია
პაოაის ეკლესია — კათოლიკური სამრევლო ეკლესია ფილიპინებში, ილოკოს-ნორტეს პროვინციაში, პაოაის მუნიციპალიტეტში.
ეკლესიის მშენებლობა 1710 წელს დასრულდა. ცნობილია განსხვავებული არქიტექტურით; ნაგებობის ორივე მხარეს და უკან აღმართულია უზარმაზარი საყრდენები. 1993 წელს, ეკლესია იუნესკომ მსოფლიო მემკვიდრეობის ძგელთა სიაში შეიტანა, როგორც ფილიპინების ბაროკოს სტილის ეკლესიების ერთ-ერთი საუკეთესო ნიმუში.
| ფილიპინების ბაროკოს სტილის ეკლესიები: პაოაის ეკლესია* | |
|---|---|
| იუნესკოს მსოფლიო მემკვიდრეობის ძეგლი | |
 | |
| ქვეყანა |  ფილიპინები |
| ტიპი | კულტურული |
| კრიტერიუმები | ii, iv |
| სია | [1] |
| რეგიონი** | აზია-ოკეანეთი |
| კოორდინატები | 18°03′41″ ჩ. გ. 120°31′17″ ა. გ. / 18.06139° ჩ. გ. 120.52139° ა. გ. |
| გაწევრიანების ისტორია | |
| გაწევრიანება | 1993 (მე-17 სესია) |
| ნომერი | 677 |
| * იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი. | |
 | მსოფლიო მემკვიდრეობა UNESCO, ობიექტი № 677 ინგლ. • რუს. • ფრ. |
პაოაის ეკლესია მიწისძვრის ბაროკოს არქიტექტურის უპირველესი ნიმუშია; ბაროკოს ეს სტილი ფილიპინურ ინტერპრეტაციას წარმოადგენს, ქვეყნის სეისმური პირობების გათვალისწინებით. ფილიპინებისთვის დამახასიათებელია გამანადგურებელი მიწისძვრები, რომელთაც ყვეყნის მასშტაბით არაერთი ადრეული ეკლესია ემსხვერპლა. გარდა ბაროკოსი, ეკლესიის ფასადი ასევე შეიცავს იავური არქიტექტურის ნიმუშებს, რითაც ის ბორობუდურს წააგავს.
ისტორია
ქალაქ პაოაის თავდაპირველად „ბომბეი“ ერქვა, რადგან მის პირველ მაცხოვრებლებს სჯეროდათ, რომ ინდოეთიდან იყვნენ მოსულნი. მიმდებარე არეალის შესახებ პირველი წერილობითი დოკუმენტები 1593 წლით თარიღდება, 1686 წელს კი ის დამოუკიდებელი ავგუსტინური სამწყსო გახდა. ამჟამინდელი ეკლესიის მშენებლობა 1694 წელს ავგუსტინელთა საძმოს მღვდელმა ანტონიო ესტავილიომ დაიწყო, საბოლოოდ მშენებლობა 1710 წელს დასრულდა.
გალერეა
-
ეკლესია და უზარმაზარი საყრდენები -
სამრეკლო
იხილეთ აგრეთვე
რესურსები ინტერნეტში
- World Heritage profile
- Paoay Church, Ilocos Norte, more pictures of the church including the interior
სქოლიო
This article uses material from the Wikipedia ქართული article პაოაის ეკლესია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.