მიჰაი I
მიჰაი I (რუმ.
25 ოქტომბერი, 1921, სინაია, რუმინეთი — გ. 5 დეკემბერი, 2017) — რუმინეთის მეფე 1927–1930 და 1940–1947 წლებში. მიეკუთვნება ჰოენცოლერნ-ზიგმარინგენების გერმანულ კათოლიკურ დინასტიას (პრუსიის მმართველ პროტესტანტი ჰოენცოლერნების მონათესავე დინასტია). კაროლ II-ისა და ელენეს შვილი.
| მიჰაი I | |
 | |
| რუმინეთის მე-3 მეფე | |
|---|---|
| თანამდებობაზე ყოფნის დრო | |
| 20 ივლისი, 1927 – 8 ივნისი, 1930 | |
| წინამორბედი | ფერდინანდ I |
| მემკვიდრე | კაროლ II |
რუმინეთის მე-5 მეფე | |
| თანამდებობაზე ყოფნის დრო | |
| 6 სექტემბერი, 1940 – 30 დეკემბერი, 1947 | |
| წინამორბედი | კაროლ II |
| მემკვიდრე | თანამდებობა გაუქმდა |
| დაბადებული | 25 ოქტომბერი, 1921 სინაია, რუმინეთი |
| გარდაცვლილი | 5 დეკემბერი, 2017 (96 წლის) |
| მამა | კაროლ II |
| დედა | ელენე ბერძენი |
| მეუღლე | ანა დე ბურბონ-პარმელი |
ცხოვრება
მიჰაი I რუმინეთის მეფის ტახტზე ორჯერ ავიდა. პირველად 1927–1930 წლებში, მეორედ კი 1940–1947 წლებში. 1944 წელს მონარქმა მხარი დაუჭირა მოკავშირეებს და ომი გამოუცხადა ნაცისტურ გერმანიას. სამი წლის შემდეგ რუმინეთის კომუნისტმა ლიდერებმა მიჰაი აიძულეს ტახტიდან გადამდგარიყო. ის შვეიცარიაში გადაასახლეს და სამშობლოში შესვლა აუკრძალეს. მონარქმა რუმინეთის მოქალაქეობა მხოლოდ 1997 წელს დაიბრუნა.
გარდაცვალება და დაკრძალვა
რუმინეთის უკანასკნელი მონარქი 96 წლის ასაკში შვეიცარიაში 2017 წლის 5 დეკემბერს გარდაიცვალა.
რუმინეთის ყოფილი მონარქი მიჰაი I სამეფო წესით დაკრძალეს. სამგლოვიარო პროცესია 16 დეკემბერს ბუქარესტში გაიმართა, თუმცა მეფე დედაქალაქში არ დაუკრძალავთ. მიჰაის ცხედარი მატარებლით რუმინეთის ცენტრალურ ქალაქ კურტია-დე-არჯეშში წაიღეს და მეუღლის, დედოფალ ანა დე ბურბონ-პარმეს გვერდით დაასვენეს.
პროცესიას ბუქარესტში პრინცი ჩარლზი, ესპანეთის ყოფილი მეფე ხუან-კარლოსი და დედოფალი სოფია, შვედეთის მეფე კარლ XVI და დედოფალი სილვია, ბელგიის პრინცესა ასტრიდი და ევროპული სამეფო ოჯახების სხვა წარმომადგენლები დაესწრნენ, მათ შორის მიჰაი I-ის ოჯახის წევრებიც, 5 ქალიშვილი და 1 შვილიშვილი. სამეფო დაკრძალვაზე დასასწრებად ბუქარესტის ქუჩებში ათიათასობით რუმინელიც გამოვიდა..
რესურსები ინტერნეტში
- The official website of The Romanian Royal Family
- "Bonny King Michael" დაარქივებული 2005-04-11 საიტზე Wayback Machine.
- "King of Romania recalls sacrifices" დაარქივებული 2007-12-17 საიტზე Wayback Machine.
სქოლიო
This article uses material from the Wikipedia ქართული article მიჰაი I, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.